24 മണിക്കൂറിനിടെ 6535 രോഗികൾ; ഇന്ത്യയിൽ കോവിഡ്​ ബാധിതർ 1.4 ലക്ഷമായി

ന്യൂഡൽഹി: രാജ്യത്ത്​ 24 മണിക്കൂറിനിടെ 6535 പേർക്ക്​​ കോവിഡ്​ സ്​ഥിരീകരിച്ചു​. 146 പേർ മരിക്കുകയും ചെയ്​തു. ഇതോടെ ആകെ രോഗബാധിതരുടെ എണ്ണം 1,45,380 ആയി. 4167 പേരാണ്​ രോഗം മൂലം മരിച്ചത്​.

തുടർച്ചയായ അഞ്ചാംദിവസമാണ്​ രോഗബാധിതരുടെ എണ്ണം ആറായിരം കടക്കുന്നത്​. കോവിഡ്​ ബാധിതരുടെ പട്ടികയിൽ പത്താമതാണ്​ ഇന്ത്യ.

മഹാരാഷ്​ട്രയിലും ഡൽഹിയിലുമാണ്​ ഏറ്റവും കൂടുതൽ രോഗവ്യാപനം. ഈ സംസ്​ഥാനങ്ങളിൽ രണ്ടുദിവസങ്ങളിലായി 11 ശതമാനം വർധനവാണ്​ ഉണ്ടായിട്ടുള്ളത്​.