കർണാടക: അയോഗ്യരാക്കിയ വിമത എം.എൽ.എമാർ സുപ്രീംകോടതിയിലേക്ക്​

ബംഗളൂരു: കർണാടക നിയമസഭയിൽ സ്​പീക്കർ അയോഗ്യരാക്കിയ 14 വിമത എം.എൽ.എമാർ സ്​പീക്കർ കെ.ആർ. രമേശ്​ കുമാറിൻെറ നടപടിക്കെതിരെ തിങ്കളാഴ്​ച സുപ്രീംകോടതിയെ സമീപിക്കും. സ്​പീക്കറുടെ നടപടി അന്യായമാണെന്നും അദ്ദേഹം സമ്മർദത്തിന്​ വഴങ്ങിയെന്നും വിമത എം.എൽ.എമാർ ആരോപിച്ചു.

വിശ്വാസ വോട്ടിന്​ സഭയിലെത്തണമെന്ന പാർട്ടി വിപ്പ്​ ലംഘിച്ചതിനാൽ കോൺഗ്രസി​േൻറയും ജെ.ഡി.എസി​േൻറയും പരാതിയുടെ അടിസ്ഥാനത്തിലായിരുന്നു സ്​പീക്കറുടെ നടപടി. നാളെ യെദിയൂരപ്പയുടെ നേതൃത്വത്തിൽ ബി.ജെ.പി വിശ്വാസവോട്ട്​ തേടാനിരിക്കുന്നതിന്​ മുന്നോടിയായാണ്​​ എം.എൽ.എമാരെ അയോഗ്യരാക്കിയത്​.

എം.എൽ.എമാരുടെ രാജി ചട്ടപ്രകാരമല്ലെന്നും അവർക്ക്​ സുപ്രീംകോടതിയെ സമീപിക്കാമെന്നും സ്​പീക്കർ വ്യക്​തമാക്കിയിരുന്നു.