Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഅസമിൽ കനത്ത മഴയും...

അസമിൽ കനത്ത മഴയും വെള്ളപ്പൊക്കവും: 14 മരണം

text_fields
bookmark_border
അസമിൽ കനത്ത മഴയും വെള്ളപ്പൊക്കവും: 14 മരണം
cancel

ഗുവാഹത്തി​: അസമിലെ ഹൈലാക്കണ്ടി, ഹൊജായ്​ ജില്ലകളിൽ കനത്ത മഴയെ തുടർന്നുണ്ടായ മണ്ണിടിച്ചിലിലും വെള്ളപ്പൊക്കത്തിലും 14 പേർ മരിച്ചു. വെള്ളപ്പെക്കവും മഴയും മണ്ണിടിച്ചിലും കഴിഞ്ഞ ആഴ്​ച വടക്കു കിഴക്കൻ സംസ്​ഥാനങ്ങളിൽ നാശം വിതച്ചിരുന്നു. മണിപ്പൂർ, ത്രിപുര എന്നിവിടങ്ങളിൽ നിരവധി പേർ മരിച്ചു.

നാഗോൺ, ഗോലാഘട്ട്​, കചാർ, ഹൈലാക്കണ്ടി, കരിംഗഞ്ച്​ എന്നീ ജില്ലകളിലായി അഞ്ചു ലക്ഷത്തിലേറെ പേരെ വെള്ളപ്പൊക്കം പ്രതികൂലമായി ബാധിച്ചതായാണ്​ റിപ്പോർട്ട്​. ഏറ്റവും കൂടുതൽ നാശനഷ്​ടങ്ങളുണ്ടായത്​ കരിംഗഞ്ചിലാണ്​. കുഷിയാര, ബരാക്​, ​േലാംഗായ്​ നദികളിലെ ജലനിരപ്പ്​ ഉയരുന്നത്​ ആശങ്ക സൃഷ്​ടിക്കുന്നു​.
 

assam-flood2

തിങ്കളാഴ്​ച ത്രിപുരയിലെ കൈലാഷഹർ, അസമിലെ ഹൈലാക്കണ്ടി തുടങ്ങി വെള്ളപ്പൊക്കം നാശം വിതച്ച മേഖലകളിൽ എണ്ണായിരം കിലോയിലേറെ ദുരിതാശ്വാസ വസ്​തുക്കൾ ഇന്ത്യൻ വ്യോമസേന എത്തിച്ചു നൽകിയിരുന്നു. ബ്രഹ്​മപുത്ര നദിയിലെ ജലനിരപ്പ്​ മണിക്കൂറിൽ നാലു മുതൽ അഞ്ചു സ​​െൻറിമീറ്റർ വരെ ഉയരുന്നതായും അടുത്ത മൂന്നു ദിവസത്തിനുള്ളിൽ അപകടകരമായ നിലയിലേക്ക്​ എത്തുമെന്നും കേന്ദ്ര ജല കമീഷൻ മുന്നറിയിപ്പ്​ നൽകി. 
 

assam-flood3

വിവിധ സ്​ഥലങ്ങളിലും ​ൈവദ്യുതി ബന്ധങ്ങൾ താറുമാറായി. പല ജില്ലകളിലും വിദ്യാഭ്യാസ സ്​ഥാപനങ്ങൾ അടഞ്ഞു കിടക്കുകയാണ്​​. ഒരു ലക്ഷത്തോളം ആളുകളെ താത്​ക്കാലിക ദുരിതാശ്വാസ കേന്ദ്രങ്ങളിലേക്ക്​ മാറ്റി​. ദുരിത ബാധിതർക്ക്​ കേന്ദ്രം എല്ലാവിധ സഹായങ്ങളും നൽകുമെന്ന്​ പ്രധാനമന്ത്രി ഉറപ്പു നൽകിയിരുന്നു.
 

Show Full Article
TAGS:assam flood death india news malayalam news 
News Summary - 14 dead in Assam as flood fury continues-india news
Next Story