കോവിഡ് കേസുകളിൽ 14ശതമാനത്തിൻറെ വർധനവ്; പുതുതായി 13,091 പേർക്ക് കൂടി കോവിഡ്

ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിൽ 13,091 പേർക്ക് കൂടി കോവിഡ്19 രോഗബാധ സ്ഥിരീകരിച്ചു. കഴിഞ്ഞ ദിവസവുമായി താരതമ്യപ്പെടുത്തുമ്പോൾ 14 ശതമാനത്തിൻറെ വർധനവാണ് കഴിഞ്ഞ 24 മണിക്കൂറിൽ രേഖപ്പെടുത്തിയത്.

13,878 പേരാണ് കോവിഡിൽ നിന്ന് മുക്തി നേടിയത്. ഇതോടെ രാജ്യത്തെ ആകെ കോവിഡ് മുക്തരുടെ എണ്ണം 3,38,00,925 ആയി ഉയർന്നു. 98.25 ശതമാനമാണ് രാജ്യത്തെ കോവിഡ് മുക്തി നിരക്ക്.

കേന്ദ്ര ആരോഗ്യ മന്ത്രാലയത്തിൻറെ കണക്ക് പ്രകാരം കഴിഞ്ഞ 24 മണിക്കൂറിൽ രാജ്യത്തെ കോവിഡ് പോസിറ്റിവിറ്റി നിരക്ക് 1.10 ശതമാനവും പ്രതിവാര പോസിറ്റിവിറ്റി 1.18 ശതമാനവുമാണ്.

രാജ്യത്ത് 1,38,556 പേരാണ് കോവിഡ് ബാധിച്ച് ചികിത്സയിൽ കഴിയുന്നത്. 266 ദിവസത്തെ ഏറ്റവും താഴ്ന്ന കണക്കാണിത്. അതേസമയം, കഴിഞ്ഞ 24 മണിക്കൂറിൽ 340 പേർ രാജ്യത്ത് കോവിഡ് ബാധിച്ച് മരിച്ചു.

110.23 പേരാണ് രാജ്യത്ത് കഴിഞ്ഞ 24 മണിക്കൂറിൽ വാക്സിൻ സ്വീകരിച്ചത്.