Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_right14കാരിയെ അശ്ലീല വിഡിയോ...

14കാരിയെ അശ്ലീല വിഡിയോ കാട്ടി ഭീഷണിപ്പെടുത്തൽ; സഹപാഠിയായ 13കാരനെതിരെ കേസ്​

text_fields
bookmark_border
Representative Image
cancel

മുംബൈ: സമൂഹ മാധ്യമങ്ങളിലൂടെ അശ്ലീല വിഡിയോ കാട്ടി 14കാരിയെ ഭീഷണിപ്പെടുത്തിയ സംഭവത്തിൽ സഹപാഠിയായ 13കാരനെതിരെ കേസ്​. മുംബൈയിലെ പടിഞ്ഞാറൻ പ്രദേശത്താണ്​ സംഭവം.

ലോക്​ഡൗൺ സമയത്ത്​ പെൺകുട്ടിയുമായി 13കാരൻ സമൂഹമാധ്യമങ്ങളിലൂടെ പരിചയപ്പെടുകയായിരുന്നു. 13കാരൻ യഥാർഥ വിവരങ്ങൾ വെളിപ്പെടുത്തിയിരുന്നില്ല. രണ്ടുപേരും തമ്മിൽ ചാറ്റിങ്​ ആരംഭിക്കുകയും സുഹൃത്തുക്കളാകുകയും ചെയ്​തു.

ലോക്​ഡൗൺ സമയത്ത്​ ഇരുവരും ട്രൂത്ത്​ ഓർ ഡെയർ ഗെയിം കളിക്കാൻ ആരംഭിച്ചു. വിഡിയോ കോളിലൂടെ പെൺകുട്ടിയോട്​ ഡെയർ (ധൈര്യം) ആവശ്യപ്പെട്ടശേഷം 13കാരൻ സ്​ക്രീൻ റെക്കോർഡ്​ ചെയ്യുകയായിരുന്നു. 13കാരന്​ സ്​മാർട്ട്​ ഫോൺ നന്നായി കൈകാര്യം ചെയ്യാൻ അറിയാമായിരുന്നുവെന്നും പൊലീസ്​ പറഞ്ഞു.

വിഡിയോ കോളിന്​ ശേഷം പെൺകുട്ടിയെ ഭീഷണിപ്പെടുത്താൻ ആരംഭിച്ചു. 13കാരന്‍റെ ആവശ്യങ്ങൾ അംഗീകരിച്ചില്ലെങ്കിൽ വിഡിയോ സമൂഹ മാധ്യമങ്ങളിലൂടെ പ്രചരിപ്പിക്കുമെന്നായിരുന്നു ഭീഷണി. തുടർന്ന്​ പെൺകുട്ടി ഇൻസ്റ്റഗ്രാമിൽ 13കാരനെ ​േബ്ലാക്ക്​ ചെയ്​തു. ഇതോടെ പെൺകുട്ടിയുടെ സുഹൃത്തിന്​ വിഡിയോ അയച്ചു നൽകി. എന്നാൽ സുഹൃത്ത്​ 13കാരനെ ബ്ലോക്ക്​ ചെയ്യുകയും പെൺകുട്ടിയെ വിവരം അറിയിക്കുകയും ചെയ്​തു. ഇതോടെ 14കാരി പൊലീസിൽ പരാതി നൽകുകയായിരുന്നു.

ഐ.പി വിലാസം തെരഞ്ഞെത്തിയതോടെ പെൺകുട്ടിയുടെ അതേ തെരുവിലാണ്​ താമസമെന്നും സ്​കൂളിൽ ഒരുമിച്ച്​ പഠിക്കുന്ന 13കാരനാണ്​ പിന്നിലെന്നും ക​െ​ണ്ടത്തുകയായിരുന്നു. ലോക്​ഡൗൺ സമയത്ത്​ കുട്ടി കൂടുതൽ സമയം മുറിയിൽ ചെലവഴിച്ചിരുന്നതായി 13കാരന്‍റെ മാതാപിതാക്കൾ പറഞ്ഞു.

13കാരനെതിരായ ആദ്യ കുറ്റമായതിനാലും പ്രായപൂർത്തിയാകാത്തതിനാലും പൊലീസ്​ നോട്ടീസ്​ അയച്ചു. കുറ്റപത്രം സമർപ്പിക്കുന്ന സമയത്ത്​ കുട്ടികളുടെ കോടതിയിൽ ഹാജരാകാൻ നിർദേശം നൽകുകയും ചെയ്​തു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Mumbai Policeblackmailobscene videoschoolmate
Next Story