Begin typing your search above and press return to search.
proflie-avatar
Login
exit_to_app
exit_to_app
Beary language
cancel
camera_alt

courtesy: deccanherald

Homechevron_rightNewschevron_rightIndiachevron_right13 സ്വരാക്ഷരങ്ങളും 33...

13 സ്വരാക്ഷരങ്ങളും 33 വ്യഞ്​ജനാക്ഷരങ്ങളും ഒമ്പത്​ അക്കങ്ങളും; ബ്യാരി ഭാഷക്ക്​ ഒടുവിൽ ലിപിയായി

text_fields
bookmark_border

ബംഗളൂരു: വാമൊഴിയിൽ മാത്രം വഴങ്ങിയിരുന്ന തുളുനാടി​െൻറ ബ്യാരി ഭാഷക്ക്​ ഒടുവിൽ ലിപിയായി. 13 സ്വരാക്ഷരങ്ങളും 33 വ്യഞ്​ജനാക്ഷരങ്ങളും ഒമ്പത്​ അക്കങ്ങളുമടങ്ങുന്ന സ്​ക്രിപ്​റ്റ്​ കർണാടക ബ്യാരി സാഹിത്യ അക്കാദമിയാണ്​ വികസിപ്പിച്ചത്​. മംഗളൂരുവിൽ നടന്ന ചടങ്ങിൽ അക്കാദമി ചെയർമാൻ റഹീം ഉച്ചിൽ ബ്യാരി ലിപിയുടെ പ്രകാശനം നിർവഹിച്ചു. വടക്കൻ കേരളത്തിൽ കാസർകോട്ടും തീരദേശ കർണാടകയിൽ ദക്ഷിണ കന്നട, മലനാടി​െൻറ പടിഞ്ഞാറ്​ മേഖല, കുടക്​ എന്നിവിടങ്ങളിലുമായി കഴിയുന്ന ബ്യാരി സമുദായത്തി​െൻറ ആയിരം വർഷം പഴക്കമുണ്ടെന്ന്​ കരുതുന്ന ബ്യാരി ഭാഷയുടെ അതിജീവനംകൂടിയാണ്​ പുതിയ ലിപി കണ്ടെത്തിയതിലൂടെ സാധ്യമാവുന്നത്​.

കഴിഞ്ഞ ആറുമാസമായി വിദഗ്​ധ സമിതിയുടെ മേൽനോട്ടത്തിൽ ലിപി രൂപവത്​കരണം നടക്കുകയായിരു​െന്നന്ന്​ സമൂഹ മാധ്യമങ്ങളിലൂടെ ഇതിന്​ പ്രചാരം നൽകുമെന്നും റഹീം ഉച്ചിൽ പറഞ്ഞു. ബ്യാരി അക്ഷരങ്ങൾ ടൈപ്​ ചെയ്യാൻ കഴിയുന്ന പുതിയ ആപ്പും പുതിയ ലിപി ഉപയോഗിച്ച്​ 2021ലെ ബ്യാരി കലണ്ടറും വൈകാതെ അക്കാദമി പുറത്തിറക്കും. ബ്യാരിക്ക്​ പുറമെ, കന്നട, അറബി ലിപിയും കലണ്ടറിലുണ്ടാവും. തീരദേശ കർണാടകയിലെ സ്​കൂളുകളിൽ ബ്യാരി മൂന്നാം ഭാഷയായി പാഠ്യപദ്ധതിയിൽ ഉൾപ്പെടുത്തണമെന്ന ആവശ്യവും ഉയർന്നിട്ടുണ്ട്​.

കർണാടക വിദ്യാഭ്യാസ വകുപ്പി​െൻറ സർവേ പ്രകാരം, ദക്ഷിണ കന്നട ജില്ലയിൽ 37,000 വിദ്യാർഥികളാണ്​ ബ്യാരി ഭാഷ പഠിക്കാൻ സന്നദ്ധത പ്രകടിപ്പിച്ചത്​. മലയാള നാടക^ സിനിമ സംവിധായകനായ കെ.പി. സുവീരൻ സംവിധാനം ചെയ്​ത ബ്യാരി ഭാഷയിലെ ആദ്യ സിനിമ 'ബ്യാരി' 2011ൽ മികച്ച ചിത്രത്തിനുള്ള ദേശീയ അവാർഡ്​ നേടിയിരുന്നു. തുളുവി​െൻറയും മലയാളത്തി​െൻറയും മിശ്രണമായി കണക്കാക്കിയിരുന്ന ബ്യാരി സംസ്​കൃതത്തിലെ 'വ്യാപാരി' എന്നതി​െൻറ തുളുമൊഴിമാറ്റമാണ്. ബ്യാരി മുസ്​ലിം സമുദായത്തി​െൻറ പരമ്പരാഗതമായ ഉപജീവനമാർഗത്തെ കൂടിയാണ്​ അത്​ അടയാളപ്പെടുത്തുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:karnatakaBeary language
News Summary - 13 vowels, 33 consonants and nine digits; The Barry language eventually became the script
Next Story