കോവിഡ്​; 1.3 ലക്ഷം സാമ്പിളുകൾ പരിശോധിച്ചെന്ന്​ ഐ.സി.എം.ആർ

ന്യൂഡൽഹി: കോവിഡ്​ 19 ​പടരുന്ന സാഹചര്യത്തിൽ​ രാജ്യത്ത്​ ഇതുവരെ 1.3 ലക്ഷം സാമ്പിളുകൾ പരിശോധിച്ചതായി ഐ.സി.എം.ആർ. ഇ തിൽ 5,734 സാമ്പിളുകൾ പോസിറ്റീവായി. ബ​ുധനാഴ്​ച 13,143 സാമ്പിളുകൾ പരിശോധിച്ചു. രാജ്യത്ത്​ കോവിഡ്​ പോസിറ്റീവാകാനുളള സാധ്യത കഴിഞ്ഞ മാസത്തെ ഒന്ന്​ - 1.5 ൽ നിന്നും മൂന്നുമുതൽ അഞ്ചുവരെ ആയതായും ഐ.സി.എം.ആർ അധികൃതർ അറിയിച്ചു.

രാജ്യത്ത്​ ഇതുവരെ 5,734 കോവിഡ്​ കേസുകൾ റിപ്പോർട്ട്​ ചെയ്​തതായി ആരോഗ്യ മന്ത്രാലയം ​ജോയൻറ്​ സെക്രട്ടറി ലാവ്​ അഗർവാൾ അറിയിച്ചു. കഴിഞ്ഞ 24 മണിക്കൂറിനുള്ളിൽ 549 കേസുകൾ റിപ്പോർട്ട്​ ചെയ്​തു. 166 പേർ ഇതുവരെ മരിച്ചതായും 17 മരണം ബുധനാഴ്​ച സ്​ഥിരീകരിച്ചതായും അദ്ദേഹം കൂട്ടിച്ചേർത്തു.