Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഭക്ഷണം പോലുമില്ല;...

ഭക്ഷണം പോലുമില്ല; മലേഷ്യയിൽ125ഓളം മലയാളികൾ കുടുങ്ങി കിടക്കുന്നു

text_fields
bookmark_border
ഭക്ഷണം പോലുമില്ല; മലേഷ്യയിൽ125ഓളം മലയാളികൾ കുടുങ്ങി കിടക്കുന്നു
cancel

ന്യൂഡൽഹി: കോവിഡ്​ ഭീതിയെ തുടർന്ന്​ വിമാനങ്ങൾ റദ്ദാക്കിയതിനാൽ 125ഓളം മലയാളികൾ ഉൾപ്പെടെയുള്ളവർ മലേഷ്യയിലെ ക്വ ാലാലംപൂർ വിമാനത്താവളത്തിൽ കുടുങ്ങി കിടക്കുന്നു. യാത്രയെ കുറിച്ച്​ യാതൊരുവിധ വിശദീകരണവും ലഭിക്കാ​തെ ഇവർ വിമാനത്താവളത്തിൽ 48 മണിക്കൂറായി കുടുങ്ങിക്കിടക്കുകയാണ്​​​.

ഭക്ഷണം പോലും ലഭിക്കാതെ സ്​​ത്രീകളും കുട്ടികളുമടക്കമുള്ളവർ വലയുകയാണ്​. മറ്റെവിടേക്കെങ്കിലും പോവണമെങ്കിൽ അതിനുള്ള പണം പോലും കൈയിലില്ലെന്നും യാത്രക്കാർ പറയുന്നു. രണ്ട് ദിവസംമുമ്പ്​ ബോർഡിങ്​ പാസുകൾ എടുത്തവരും നാട്ടിലേക്ക്​ തിരിക്കാനാവാതെ വിമാനത്താവളത്തിൽ തുടരുകയാണ്​.

പുതുതായി ബോർഡിങ്​ പാസുകൾക്കായി സമീപിക്കുമ്പോൾ ഇന്ത്യയിലേക്ക്​ പോവാൻ സാധിക്കില്ലെന്ന മറുപടിയാണ്​ വിമാനത്താവളത്തിൽ നിന്ന്​ ലഭിക്കുന്നത്​. ഭക്ഷണം വാങ്ങാൻ പോലും പലരുടെ കൈയിലും പണമില്ല. ചിലർ ഭക്ഷണം വാങ്ങി മറ്റുള്ളവർക്ക്​ വിതരണം ചെയ്യുന്നുണ്ട്​. മടക്കയാത്രയെ കുറിച്ച്​ എയർ ഏഷ്യയിൽ നിന്ന്​ വിവരമൊന്നും ലഭിച്ചിട്ടില്ലെന്നും തങ്ങൾക്ക്​ വേണ്ടി എന്തെങ്കിലും ഉടൻ ചെയ്യണമെന്നും ​കുടുങ്ങി കിടക്കുന്നവർ പറയുന്നു.​

വിമാനത്താവളത്തിൽ കുടുങ്ങിയ മലയാളികളടക്കമുള്ള ഇന്ത്യക്കാരെ കഴിഞ്ഞ ദിവസം എയർ ഏഷ്യ വിമാനത്തിൽ ഇന്ത്യയിലെത്തിച്ചിരുന്നു.


Show Full Article
TAGS:covid 19 corona virus passengeres trape malaysia Kuala Lumpur airport india news 
News Summary - 125 and above passengeres traped in malaysia airport -india news
Next Story