ഡല്‍ഹി സി.ആർ.പി.എഫ് ക്യാമ്പിലെ 112 ജവാൻമാർക്ക്​​ കോവിഡ്

 ന്യൂഡല്‍ഹി: കിഴക്കന്‍ ഡല്‍ഹിയിലെ ക്യാമ്പില്‍ 68 സി.ആർ.പി.എഫ്  ജവാൻമാര്‍ക്കുകൂടി കോവിഡ്​ സ്ഥിരീകരിച്ചു. കിഴക്കന്‍ ഡല്‍ഹിയിലെ മയൂർ വിഹാറിലുള്ള 31ാം ബറ്റാലിയനിലെ ജവാൻമാർക്കാണ്​ വൈറസ്​ ബാധിച്ചിരിക്കുന്നത്​. ഇതോടെ ഇതേ ബറ്റാലിയനിൽ കോവിഡ്​ ബാധിച്ച ജവാൻമാരുടെ എണ്ണം 122 ആയി. 

ഇതേ ക്യാമ്പിലുള്ള നൂറുപേരുടെ കൂടി പരിശോധനാ ഫലം പുറത്തുവരാനുണ്ട്​. കോവിഡ്​ സ്ഥിരീകരിച്ചവരെ ഡൽഹിയിലെ മണ്ഡാവാലിയിലുള്ള ചികിത്സാകേന്ദ്രത്തിൽ പ്രവേശിപ്പിച്ചിരിക്കുകയാണ്​. ഇതേ ക്യാമ്പിൽ ജോലി ചെയ്​തിരുന്ന എസ്.ഐ റാങ്കിലുള്ള  ജവാന്‍ കഴിഞ്ഞ ദിവസം മരിച്ചിരുന്നു. അസം സ്വദേശിയായ ഇയാള്‍ക്ക് പ്രമേഹമടക്കമുള്ള രോഗമുണ്ടായിരുന്നു.

ഏപ്രിൽ ആദ്യവാരം കോവിഡ്​ സ്ഥിരീകരിക്കപ്പെട്ട സി.ആർ.പി.എഫ്​ പാരാമെഡിക​് യൂനിറ്റിലെ അസിസ്​റ്റൻറ്​ നഴ്​സിൽ നിന്നാണ്​ ജവാൻമാർക്ക്​ കോവിഡ്​ പകർന്നതെന്നാണ്​ സൂചന. ഏപ്രിൽ 17 മുതൽ രോഗലക്ഷണം പ്രകടിപ്പിച്ചിരുന്ന ഇദ്ദേഹത്തിന്​​ ഐസൊലേഷനിൽ കഴിയവെ ഏപ്രിൽ 21നാണ്​​ കോവിഡ്​ സ്ഥിരീകരിച്ചത്​.