അംറോഹ കൂട്ടക്കൊല: ശബ്നത്തിന്‍റെ വധശിക്ഷയിൽ ഇളവ്​ തേടി 12കാരനായ മകൻ

ലഖ്​നോ: സ്വതന്ത്ര ഇന്ത്യയിൽ ആദ്യമായി തൂക്കിലേറുന്ന വനിതയാകാൻ ഒരുങ്ങുന്ന ശബ്​നം അലിക്ക്​ ഇളവു തേടി 12കാരൻ മകൻ. പിഞ്ചു കുഞ്ഞടക്കം കുടുംബത്തിലെ ഏഴുപേരെ 2008ൽ വധിച്ച സംഭവത്തിൽ​ ​വധശിക്ഷ വിധിക്കപ്പെട്ട്​ ഉത്തർ ​പ്രദേശി​ലെ ബറേലി ജയിലിലുള്ള ശബ്​ന​ത്തെ വിട്ടയക്കാൻ ആവശ്യപ്പെട്ടാണ്​ മകൻ മുഹമ്മദ്​ താജ്​ രാഷ്​ട്രപതി രാംനാഥ്​ കോവിന്ദിന്​ ദയാഹരജി നൽകിയത്​.

''എനിക്ക്​ എന്‍റെ മാതാവിനെ ഇഷ്​ടമാണ്​. രാഷ്​ട്രപതി മാമനോട്​ ഒരു അഭ്യർഥ​നയേ ഉള്ളൂ- എന്‍റെ മാതാവ്​ തൂക്കിലേറ്റപ്പെടരുത്​''- താജ്​ കഴിഞ്ഞ ദിവസം മാധ്യമ പ്രവർത്തകർക്ക്​ മുന്നിൽ വിതുമ്പി. മാതാവിന്​ മാപ്പ്​ എന്ന്​ എഴുതിയ സ്​​േളറ്റ്​ പിടിച്ച്​ കസേരയിൽ ഇരുന്നായിരുന്നു അപേക്ഷ. ''പ്രസിഡന്‍റാണ്​ തീരുമാനമെടുക്കേണ്ടത്​. പക്ഷേ, എനിക്ക്​ വിശ്വാസമുണ്ട്​''- അവൻ പറയുന്നു.

വളർത്തുപിതാവായ ഉസ്​മാൻ സെയ്​ഫിക്കൊപ്പമാണ്​ താജ്​ ജീവിക്കുന്നത്​. മാധ്യമ പ്രവർത്തകനായ ഉസ്​മാൻ ജയിലിലെത്തി ശബ്​നത്തെ കണ്ട്​ റിപ്പോർട്ട്​ ചെയ്​തിരുന്നു. താജും ഇടക്ക്​ ജയിലിൽ മാതാവിനെ കാണാറുണ്ട്​.

കാമുകൻ സലീമിനെ വിവാഹം ചെയ്യാൻ വിസമ്മതിച്ചതിന്​ മാതാപിതാക്കൾ, സഹോദരങ്ങൾ, സഹോദര ഭാര്യ, 10 മാസം മാത്രം പ്രായമുള്ള പിഞ്ചു കുഞ്ഞ്​ എന്നിവരെ 2008 ഏപ്രിൽ 14നാണ്​ ദാരുണമായി കൊല നടത്തിയത്​. സലീമുമായി ചേർന്നായിരുന്നു കൊലപാതകം. ഇംഗ്ലീഷ്​, ഭൂമിശാസ്​ത്ര വിഷയങ്ങളിൽ ബിരുദാനന്തര ബിരുദധാരിയാണ്​ ശബ്​നം. സലീം സ്​കൂൾ പഠനം പൂർത്തിയാക്കാത്തയാളും.

കൊലപാതക സമയത്ത്​ ഗർഭിണിയായിരുന്നു ശബ്​നം. മക്കൾ ആറു വർഷത്തിൽ കൂടുതൽ ജയിലിൽ ഒന്നിച്ചുനിൽക്കാൻ പറ്റാത്തതിനാൽ താജിനെ പിന്നീട്​ ജയിലിന്​ പുറത്തെത്തിക്കുകയായിരുന്നു.

'താജിന്​ മികച്ച വിദ്യാഭ്യാസം നൽകി ഉത്തമ പൗരനായി വളർത്തുകയാണ്​ ലക്ഷ്യമെന്ന്​ ഉസ്​മാൻ സെയ്​ഫി പറഞ്ഞു. മാതാവ്​ കുറ്റവാളിയായെന്നതു കൊണ്ട്​ മക്കൾ അങ്ങനെയാകണമെന്നില്ലെന്നും അദ്ദേഹം പറഞ്ഞു.

അതേ സമയം, നേരത്തെ വധശിക്ഷ ലഭിച്ച ശബ്​നം നൽകിയ ദയാഹരജി 2016ൽ അന്നത്തെ രാഷ്​ട്രപതി പ്രണബ്​ മുഖർജി തള്ളിയിരുന്നു.