ഉ​ത്ത​ര അ​റ​ബി​ക്ക​ട​ലി​ൽ മുങ്ങിയ ചരക്കുകപ്പലിലെ 12 ജീവനക്കാരെ രക്ഷിച്ചു

പോ​ർ​ബ​ന്ത​ർ: ഗു​ജ​റാ​ത്തി​ലെ പോ​ർ​ബ​ന്ത​റി​ൽ ​നി​ന്ന് ഇ​റാ​നി​ലെ ബ​ന്ദ​ർ അ​ബ്ബാ​സ് തു​റ​മു​ഖ​ത്തേ​ക്ക് പോ​കു​ന്ന​തി​നി​ടെ ഉ​ത്ത​ര അ​റ​ബി​ക്ക​ട​ലി​ൽ മു​ങ്ങി​യ ച​ര​ക്കു​ക​പ്പ​ലി​ലെ 12 ജീ​വ​ന​ക്കാ​രെ തീ​ര​ദേ​ശ സേ​ന ര​ക്ഷ​പ്പെ​ടു​ത്തി.

ഇ​ന്ത്യ​ൻ സ​മു​ദ്ര​പ​രി​ധി​ക്ക് പു​റ​ത്ത് പാ​കി​സ്താ​ൻ നി​യ​ന്ത്ര​ണ മേ​ഖ​ല​യി​ൽ ബു​ധ​നാ​ഴ്ച രാ​വി​ലെ​യാ​ണ് എം.​എ​സ്.​വി അ​ൽ പി​രാ​ൻ​പീ​ർ എ​ന്ന ക​പ്പ​ൽ മു​ങ്ങി​യ​ത്. ഇ​ന്ത്യ​ൻ തീ​ര​ദേ​ശ​സേ​ന​യു​ടെ മും​ബൈ കേ​ന്ദ്ര​ത്തി​ൽ അ​ടി​യ​ന്ത​ര സ​ന്ദേ​ശം ല​ഭി​ച്ച​തി​നെ​ത്തു​ട​ർ​ന്ന് ഗാ​ന്ധി​ന​ഗ​റി​ലെ മേ​ഖ​ലാ ആ​സ്ഥാ​ന​ത്തു​നി​ന്ന് സാ​ർ​ഥ​ക് എ​ന്ന ക​പ്പ​ലി​നെ തി​ര​ച്ചി​ലി​നാ​യി അ​യ​ച്ചു.

പാ​കി​സ്താ​ൻ മാ​രി​ടൈം സെ​ക്യൂ​രി​റ്റി ഏ​ജ​ൻ​സി​യു​ടെ സ​ഹാ​യ​വും തേ​ടി. മു​ങ്ങി​യ ക​പ്പ​ലി​ൽ​നി​ന്ന് ര​ക്ഷ​പ്പെ​ട്ട് ചെ​റു​ബോ​ട്ടി​ൽ അ​ഭ​യം തേ​ടി​യ 12 ജീ​വ​ന​ക്കാ​രെ​യും ക​ണ്ടെ​ത്തു​ക​യും സു​ര​ക്ഷി​ത​രാ​യി പോ​ർ​ബ​ന്ത​റി​ൽ എ​ത്തി​ക്കു​ക​യു​മാ​യി​രു​ന്നു.