ഒഡീഷയിൽ 1.15 കോടിയുടെ ബാങ്ക്​ കൊള്ള

ഭുവനേശ്വർ: ഒഡീഷയിലെ ദെൻകാനലിലെ ബാങ്കിൽ നിന്നും 1.15 കോടി രൂപ കൊള്ളയടിക്കപ്പെട്ടു. ഒഡീഷ ഗ്രാമ്യ ബാങ്കിലാണ്​ കവർച്ച നടന്നത്​. അസാധുവായ 500,1000 രൂപാ നോട്ടുകളാണ്​ കവർച്ച ചെയ്യപ്പെട്ടിരിക്കുന്നത്​.
രണ്ടു ദിവസത്തെ അവധിക്ക്​ ശേഷം തിങ്കളാഴ്​ച ബാങ്ക്​ തുറന്നപ്പോഴാണ്​ സ്​ട്രോങ്​ റൂമിലെ പണം സൂക്ഷിച്ച പെട്ടി കുത്തിതുറന്നതായി കണ്ടെത്തിയത്​. ബാങ്ക്​ശേഖരിച്ച അസാധുവായ നോട്ടുകൾ​ സ്​ട്രോങ്​റൂമിൽ നാലു ഇരുമ്പുപെട്ടികളിലായാണ്​ സൂക്ഷിച്ചിരുന്നത്​. ഇവിടെ 8.85 കോടിയുടെ നിക്ഷേപമുണ്ട്​.

കവർച്ചയിൽ ബാങ്ക്​ ജീവനക്കാരുടെ പങ്ക്​ സംശയിക്കുന്നതായി പൊലീസ്​ പറഞ്ഞു. അതേ മുറിയിൽ ഏഴു കോടിയോളം രൂപയുടെ നോട്ടുകൾ പെട്ടിയിലാക്കി സൂക്ഷിച്ചിരുന്നു. അസാധു നോട്ടുകൾ ശേഖരിച്ചത്​ ഭുവനേശ്വരിലുള്ള ബാങ്കി​െൻറ പ്രധാന ശാഖയിലേക്ക്​ മാറ്റാനിരിക്കെയാണ്​ കവർച്ച നടന്നിരിക്കുന്നത്​.

സുരക്ഷാ കാരണങ്ങൾ മുൻനിർത്തി ചില ശാഖകൾക്ക്​ പണം സൂക്ഷിക്കാനുള്ള അനുമതി ലഭിച്ചിരുന്നില്ല. പണം സൂക്ഷിക്കുകയാണെങ്കിൽ പൊലീസ്​ കാവൽ ആവശ്യപ്പെടേണ്ടതുണ്ട്​. എന്നാൽ ഇത്രയും പണം സൂക്ഷിച്ചിട്ടും ബാങ്ക്​ പൊലീസ്​ സുരക്ഷ ആവശ്യപ്പെട്ടില്ലെന്നും ആരോപണമുയർന്നിട്ടുണ്ട്​.