രാജ്യത്ത് 11,466 പേർക്ക് കൂടി കോവിഡ്; 264 ദിവസത്തിനിടയിലെ താഴ്ന്ന നിരക്ക്

ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിൽ 11,466 പേർക്ക് കൂടി കോവിഡ് സ്ഥിരീകരിച്ചു. 13.2 ശതമാനത്തിൻറെ വർധനവാണ് കഴിഞ്ഞ 24 മണിക്കൂറിൽ രാജ്യത്ത് രേഖപ്പെടുത്തിയത്. രാജ്യത്ത് കോവിഡ് ബാധിച്ചവരുടെ ആകെ എണ്ണം 3,37,87,047 ആയി ഉയർന്നു.

0.90 ശതമാനമാണ് ഇന്നത്തെ കോവിഡ് പോസിറ്റിവിറ്റി നിരക്ക്. പ്രതിവാര പോസിറ്റിവിറ്റി നിരക്ക് 1.20 ആണ്. കഴിഞ്ഞ 37 ദിവസമായി ദിനംപ്രതിയുള്ള കോവിഡ് കേസുകളും 47 ദിവസമായി പ്രതിവാര പോസിറ്റിവിറ്റി നിരക്കും രണ്ടു ശതമാനത്തിൽ താഴെയാണ്.

രാജ്യത്ത് നിലവിൽ 1,39,683 പേരാണ് കോവിഡ് ബാധിച്ച് ചികിത്സയിൽ കഴിയുന്നത്. 264 ദിവസത്തിനിടയിലെ ഏറ്റവും താഴ്ന്ന കണക്കാണ് ഇത്.

കേന്ദ്ര ആരോഗ്യ മന്ത്രാലയത്തിന്‍റെ കണക്ക് പ്രകാരം കഴിഞ്ഞ 24 മണിക്കൂറിൽ 460 പേരാണ് രാജ്യത്ത് കോവിഡ് ബാധിച്ച് മരിച്ചത്.