കർണാടകയിൽ മിനിബസും ടിപ്പറും കൂട്ടിയിടിച്ച്​ 11 മരണം

ബംഗളൂരു: കർണാടകയിലെ ധാർവാഡിൽ മിനിബസും ടിപ്പറും കൂട്ടിയിടിച്ച്​ 11 പേർ മരിച്ചു. വെള്ളിയാഴ്ച രാവിലെ ഇത്തിഗട്ടിക്ക്​ സമീപം ഹുബ്ബള്ളി -ധാർവാഡ്​ ബൈപാസ്​ റോഡിലായിരുന്നു അപകടം.

10 സ്​ത്രീകളും ടിപ്പർ ഡ്രൈവറുമാണ്​ അപകടത്തിൽ മരിച്ചത്​. പരിക്കേറ്റ ആറുപേരെ ഹുബ്ലിയിലെ കിംസ്​ ആശുപത്രിയിൽ പ്രവേശിപ്പിച്ചു. അഞ്ചുപേരുടെ ആരോഗ്യനില ഗുരുതരമാണെന്ന്​ പൊലീസ്​ പറഞ്ഞു.

അവധിക്കാലം ആഘോഷിക്കാനായി ഗോവയിലേക്ക്​ വനിത ക്ലബിലെ അംഗങ്ങളുമായി പോയ മിനിബസാണ്​ അപകടത്തിൽപ്പെട്ടത്​. അപകട കാരണം സംബന്ധിച്ച്​ അന്വേഷണം നടത്തുമെന്ന്​ ​െപാലീസ്​ പറഞ്ഞു.