You are here

ബീഹാറിലെ അഭയകേന്ദ്രത്തിൽ 11 പെൺകുട്ടികൾ കൂടി കൊല്ലപ്പെട്ടിരിക്കാമെന്ന്​ സി.ബി.ഐ

10:37 AM
04/05/2019
brajesh_thakur-23

പട്​ന: ബീഹാറിലെ അഭയകേന്ദ്രത്തിൽ 11 പെൺകുട്ടികൾ കൂടി കൊല്ലപ്പെട്ടിരിക്കാമെന്ന്​ സി.ബി.ഐ. സുപ്രീംകോടതിയിലാണ്​ കേന്ദ്ര അന്വേഷണ ഏജൻസി ഇതുമായി ബന്ധപ്പെട്ട റിപ്പോർട്ട്​ നൽകിയത്​. സമീപത്തെ ശ്​മശാനത്തിൽ നിന്ന്​ പെൺകുട്ടികളുടേതെന്ന്​ സംശയിക്കുന്ന എല്ലുകൾ കണ്ടെത്തിയതി​​​െൻറ പശ്​ചാത്തലത്തിലാണ്​ സി.ബി.ഐ പുതിയ റിപ്പോർട്ട്​ സമർപ്പിച്ചിരിക്കുന്നത്​. 

കേസിലെ പ്രധാന പ്രതിയായ ബ്രജേഷ്​ താക്കൂറും കൂട്ടാളികളും ചേർന്ന്​ ഇവരെ കൊലപ്പെടുത്തിയിരിക്കാമെന്ന്​ സുപ്രീംകോടതിയിൽ സമർപ്പിച്ച റിപ്പോർട്ടിൽ സി.ബി.ഐ വ്യക്​തമാക്കുന്നു. ബീഹാറിലെ മുസാഫർപൂരിൽ എൻ.ജി.ഒ നടത്തിയിരുന്ന അഭയകേന്ദ്രത്തിൽ​ നിരവധി പെൺകുട്ടികളാണ്​ ബലാൽസംഗത്തിനിരയായത്​​. ടാറ്റ ഇൻസ്​റ്റിറ്റ്യൂട്ട്​ ഓഫ്​ സോഷ്യൽ സയൻസ്​ നടത്തിയ പഠനത്തെ തുടർന്നാണ്​ സംഭവം പുറത്തറിഞ്ഞത്​.

സംഭവം വൻ വിവാദമായതോടെ ​സംസ്ഥാന സർക്കാർ കേസ്​ സി.ബി.ഐക്ക്​ കൈമാറുകയായിരുന്നു. സി.ബി.ഐ നടത്തിയ അന്വേഷണത്തിലാണ്​ താക്കൂർ ഉൾപ്പടെയുള്ളവർ കുറ്റക്കാരാണെന്ന്​ കണ്ടെത്തിയത്​. 21 പേജുള്ള കുറ്റപത്രമാണ്​ സി.ബി.ഐ സമർപ്പിച്ചത്​. 

Loading...
COMMENTS