കാൺപൂരിൽ11പൊലീസുകാർക്ക്​ കൂടി കോവിഡ്​

കാൺപൂർ: ഉത്തർപ്രദേശിലെ കാൺപൂർ ഡി.ഐ.ജി ഓഫിസിലെ  പി.ആർ.ഒ ഉൾപ്പെടെ 11 പൊലീസുകാർക്ക്​ കൂടി കോവിഡ്​ സ്ഥിരീകരിച്ചു. ഇതോടെ കാൺപൂരിൽ കോവിഡ്​ ബാധിച്ച പൊലീസുകാരുടെ എണ്ണം 24ആയി. 

കാൺപൂർ ജില്ലാ ചീഫ്​ മെഡിക്കൽ ഓഫീസർ അശോക്​ ശുക്ലയാണ്​ ഇക്കാര്യമറിയിച്ചത്​. കോവിഡ്​ സ്ഥിരീകരിച്ചവരെ ആശുപത്രിയിലേക്ക്​ മാറ്റിയതായും അദ്ദേഹം അറിയിച്ചു. 

ജീവനക്കാരന്​ കോവിഡ്​ സ്ഥിരീകരിച്ചതിനെ തുടർന്ന്​ ഡൽഹി സി.ആർ.പിഎഫ്​ ആസ്ഥാനം സീൽ ചെയ്​തിരിക്കുകയാണ്​.