Begin typing your search above and press return to search.
exit_to_app
exit_to_app
ഡി.ആർ.ഡി.ഒ കോവിഡ്​ മരുന്ന്​ ഇന്ന്​ വിതരണം തുടങ്ങും; ആദ്യ ഘട്ടത്തിൽ ഡൽഹിയിലെ ആശുപത്രികൾക്ക്​
cancel
Homechevron_rightNewschevron_rightIndiachevron_rightഡി.ആർ.ഡി.ഒ കോവിഡ്​...

ഡി.ആർ.ഡി.ഒ കോവിഡ്​ മരുന്ന്​ ഇന്ന്​ വിതരണം തുടങ്ങും; ആദ്യ ഘട്ടത്തിൽ ഡൽഹിയിലെ ആശുപത്രികൾക്ക്​

text_fields
bookmark_border

ന്യൂഡൽഹി: ഹൈദരാബാദ്​ ആസ്​ഥാനമായുള്ള മരുന്ന്​ കമ്പനി ഡോ. ​റെഡ്​ഡീസ്​ ലബോറട്ടറീസുമായി സഹകരിച്ച്​ കേന്ദ്ര പ്രതിരോധ ഏജൻസി ഡി.ആർ.ഡി.ഒ വികസിപ്പിച്ച കോവിഡ്​ മരുന്ന്​ ഇന്നുമുതൽ ലഭ്യമാകും. ആദ്യ ഘട്ടമായി 10,000 ഡോസ്​ മരുന്ന്​ ഡൽഹിയിലെ ചില ആശുപത്രികൾക്ക്​ കേന്ദ്ര മന്ത്രി രാജ്​നാഥ്​ സിങ്​ കൈമാറും. ചുരുക്കപ്പേരിൽ 2-ഡി.ജി എന്ന 2-ഡിയോക്​സി-ഡി-ഗ്ലൂകോസ്​ മരുന്നിന്​ ദേശീയ മരുന്ന്​ നിയന്ത്രണ സമിതി അടിയന്തര ഉപയോഗത്തിന്​ അനുമതി നൽകിയിട്ടുണ്ട്​.

കഴിഞ്ഞ വർഷം മേയ്​- ഒക്​ടോബർ ഘട്ടത്തിൽ നടന്ന രണ്ടാംഘട്ട പരിശോധനയിൽ കോവിഡ്​ രോഗികൾക്ക്​ മരുന്ന്​ ആശ്വാസകരമാണെന്ന്​ കണ്ടെത്തിയിരുന്നു. ആശുപത്രിയിലായ രോഗികൾ എളുപ്പം ഭേദമാകുന്നതായും ഓക്​സിജൻ അളവ്​ വർധിപ്പിക്കുന്നതായും റിപ്പോർട്ടുകൾ പറയുന്നു. മരുന്നിലെ കൃത്രിമ ​ഗ്ലൂക്കോസ്​ കണിക വൈറസിന്​ വഴിമുടക്കുന്നതാണ്​ കാരണം.

പൊടി രൂപത്തിലുള്ള മരുന്ന്​ വെള്ളത്തോടൊപ്പമാണ്​ കഴിക്കേണ്ടത്​. റെംഡെസിവിർ, ഇവെർമെക്​റ്റിൻ, പ്ലാസ്​മ ചികിത്സ, സ്റ്റിറോയ്​ഡുകൾ എന്നിങ്ങനെ പലതൂം ഉപയോഗിച്ചുവരുന്നുണ്ടെങ്കിലും

കോവിഡിനെതിരെ ലോകത്ത്​ ഇപ്പോഴും കൃത്യമായ മരുന്ന്​ വികസിപ്പിച്ചിട്ടില്ല.

പ്രതിദിനം മൂന്നു ലക്ഷത്തിനു മുകളിലാണ്​ രാജ്യത്ത്​ രോഗബാധ. മരണം 4,000 നു മുകളിലും. രണ്ടാം തരംഗം ഇനി​യും കുറവു കാണിക്കാത്ത സാഹചര്യത്തിൽ പുതിയ മരുന്ന്​ പ്രതീക്ഷ പകരുമെന്നാണ്​ പ്രതീക്ഷ.

Show Full Article
TAGS:DRDO Anti-Covid Drug 2-deoxy-D-glucose 
News Summary - 10,000 Packets Of DRDO's Anti-Covid Oral Drug To Be Distributed Today
Next Story