കൈക്കൂലിയായി 100ന്‍റെ നോട്ടുകൾ ആവശ്യപ്പെട്ട ഉദ്യോഗസ്ഥൻ അറസ്​റ്റിൽ

മുംബൈ: നോട്ടുപിൻവലിക്കലി​െൻറ പശ്ചാത്തലത്തിൽ  കൈക്കൂലി നൂറു രൂപ നോട്ടുകളായി ആവശ്യപ്പെട്ട സർക്കാർ ഉദ്യോഗസ്ഥൻ അറസ്റ്റിൽ. മഹാരാഷ്ട്രയിലെ ​സോലാപുറിലാണ്​ സംഭവം. കൃഷി വകുപ്പ്​ ഉദ്യോഗസ്ഥനായ ബാലാസാഹേബ്​ ഭീകാജി ബാബറാണ്​ കൈക്കൂലി കേസിൽ പിടിയിലായത്​.

അപേക്ഷ പരിഗണിക്കണമെങ്കിൽ 2500 രൂപ കൈക്കൂലി നൽകണമെന്നും തുക 100 രൂപ നോട്ടുകളായി നൽകണമെന്നുമാണ്​ ബാബർ ആവശ്യപ്പെട്ടത്​. നൂറി​െൻറ 25 നോട്ടുകൾ തന്നാൽ കാര്യം നടത്താമെന്ന്​ ഇയാൾ അപേക്ഷകനോട്​ പറയുകയായിരുന്നു. പണമെത്തിക്കാമെന്ന്​ പറഞ്ഞ്​ അപേക്ഷകൻ പൊലീസിൽ പരാതി നൽകുകയും തുടർന്ന്​ ബാബറിനെ അറസ്​റ്റു ചെയ്യുകയുമായിരുന്നു.

ചൊവ്വാഴ്​ച അർദ്ധരാത്രിയോടെ 500, 1000 രൂപാ നോട്ടുകൾ അസാധുവായതോടെ 100ന്‍റെ നോട്ടുകൾക്ക് വലിയ ക്ഷാമമാണ് അനുഭവപ്പെടുന്നത്. ഇതിനിടെയാണ് കൈക്കൂലിയും ചില്ലറയായി വാങ്ങുന്ന സംഭവം റിപ്പോർട്ട് ചെയ്യപ്പെട്ടിരിക്കുന്നത്.