മാങ്ങ പറിച്ചതിന് 10 വയസുകാരനെ വെടിവെച്ച് കൊന്നു

പട്ന: തോട്ടത്തിൽ നിന്ന് മാങ്ങ പറിച്ചതിന് ബിഹാറിൽ 10 വയസുകാരനെ വെടിവെച്ച് കൊന്നു. ബിഹാറിലെ കഗാറിയയിലാണ് സംഭവം. പത്തുവയസുകാരൻ സത്യകുമാറിനാണ് തോട്ടത്തിൽ മറ്റ് കുട്ടികളോടൊപ്പം കളിക്കുന്നതിനിടെ വെടിയേറ്റത്. കൂടെ കളിച്ചിരുന്ന കുട്ടികളാണ് വെടിവെപ്പ് വിവരം നാട്ടുകാരെ അറിയിച്ചത്. 

തോട്ടത്തിലെ സുരക്ഷാ ജീവനക്കാരനായ രമാശിശ് യാദവാണ് വെടിയുതിർത്തത്. ബറോഹ് ചൗധരിയാണ് തോട്ടമുടമ. പോസ്റ്റ്മോർട്ടത്തിന് ശേഷം മൃതദേഹം വീട്ടുകാർക്ക് വിട്ടു നൽകി. സംഭവത്തിൽ പൊലീസ് കേസെടുത്ത് അന്വേഷണം തുടങ്ങി.