Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_right'ജയ്​ ശ്രീറാം...

'ജയ്​ ശ്രീറാം വിളിച്ചില്ല'; പത്തുവയസ്സുകാരനെ ക്രൂരമായി ആക്രമിച്ച്​ ബി.ജെ.പി പ്രവർത്തകൻ

text_fields
bookmark_border
jai sriram
cancel

കൊൽക്കത്ത: ജയ്​ ​ശ്രീറാം വിളിച്ചില്ലെന്നാരോപിച്ച്​ പത്തുവയസ്സുകാരനെതിരെ ബി.ജെ.പ്രി പ്രവർത്തകന്‍റെ ക്രൂര മർദനം. ബംഗാളിലെ നദിയ ജില്ലയിലെ ഫുലിയയിലാണ്​ സംഭവം നടന്നതെന്ന്​ 'ദി ടെലിഗ്രാഫ്​' റിപ്പോർട്ട്​ ചെയ്​തു.

നാലാംക്ലാസുകാരനായ മഹാദേവ്​ ശർമക്കാണ്​ മർദനമേറ്റത്​. അടുത്തിടെ മാതാവ്​ മരിച്ച ഈ ബാലനെ രണഘട്ട്​ സബ്​ഡിവിഷണൽ ആശുപത്രിയിൽ പരിക്കുകളോടെ പ്രവേശിപ്പിച്ചു. പ്രദേശത്ത്​ ചായക്കട നടത്തുന്ന മഹാദേബ്​ പ്രാമാണിക്​ എന്ന ബി.ജെ.പി പ്രവർത്തകനാണ്​​ മർദിച്ചത്​. ബി.ജെ.പി വനിത വിഭാഗം നേതാവായ മിതുപ്രമാണികിന്‍റെ ഭർത്താവ്​ കൂടിയാണിയാൾ. ഇയാളെ അറസ്​റ്റ്​ ചെയ്യണമെന്നാവശ്യപ്പെട്ട്​ നാട്ടുകാർ ദേശീയ പാത ഉപരോധിച്ചു.

സംഭവത്തിൽ പൊലീസ്​ വിശദീകരണം ഇങ്ങനെ: ''ആക്രമണത്തിനിരയായ ബാലൻ പ്രദേശത്തെ തൃണമൂൽ കോൺഗ്രസ്​ അനുഭാവിയായ ആശാരിയുടെ മകനാണ്​. ചായക്കടക്ക്​ മുന്നിലൂടെ പോകവേ പ്രാമാണിക്​ ബാലന്‍റെ അച്ഛനെക്കുറിച്ചും തൃണമൂലിനെക്കുറിച്ചും അസഭ്യം പറഞ്ഞു. തുടർന്ന്​ ജയ്​ ശ്രീറാം വിളിക്കാൻ ആവശ്യപ്പെ​ട്ടെങ്കിലും ബാലൻ നിരസിച്ചു. ഇതോടെ കുപിതായ ​പ്രാമാണിക്​ ബാലനെ മർദിക്കുകയായിരുന്നു''.

നാട്ടുകാർ ഇടപെട്ടാണ്​ ഒടുവിൽ ബാലനെ രക്ഷപ്പെടുത്തിയത്​. ബാലന്‍റെ ശരീരത്തിൽ മർദനമേറ്റ പാടുകളുണ്ട്​. പോളിങ്​ ദിവസമായ ഏപ്രിൽ 17ന്​ പ്രാമാണികും ബാലന്‍റെ അച്ഛനും തമ്മിൽ ചെറുതായി വാഗ്വദമുണ്ടായിരുന്നതായി നാട്ടുകാർ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Jai Shri RamBJP
News Summary - 10-year-old hit by BJP worker for refusal to chant ‘Jai Shri Ram
Next Story