Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightതൃണമൂൽ നേതാവിന്‍റെ...

തൃണമൂൽ നേതാവിന്‍റെ കൊലപാതകം; 12 വീടുകൾക്ക് തീയിട്ടു, 11 മരണം

text_fields
bookmark_border
തൃണമൂൽ നേതാവിന്‍റെ കൊലപാതകം; 12 വീടുകൾക്ക് തീയിട്ടു, 11 മരണം
cancel

കൊൽക്കത്ത: പശ്ചിമ ബംഗാളിലെ ബിർഭൂമിൽ 12 വീടുകൾ തീയിട്ട സംഭവത്തിൽ 11 പേർ മരിച്ചു. ബിർഭൂമിൽ നടന്ന തൃണമൂൽ കോൺഗ്രസ് പ്രവർത്തകന്‍റെ കൊലപാതകത്തിന്‍റെ പ്രതികാരമായാണ് പ്രദേശത്തെ വീടുകൾ അഗ്നിക്കിരയാക്കിയതെന്ന് നാട്ടുകാർ ആരോപിച്ചു. പ്രതികളെ കണ്ടെത്തുന്നതിനായി അന്വേഷണം ആരംഭിച്ചതായി സർക്കാർ അറിയിച്ചു.

തിങ്കളാഴ്ചയാണ് ബിർഭൂമിലെ രാംപൂർഹട്ടിൽ തൃണമൂൽ പ്രവർത്തകനായ ഭാദു പ്രധാനെ ദേശീയപാതക്ക് സമീപത്ത് വെച്ച് ബോംബെറിഞ്ഞ് കൊലപ്പെടുത്തിയത്. ഉടൻ തന്നെ മെഡിക്കൽ കോളജിൽ എത്തിച്ചെങ്കിലും ജീവൻ രക്ഷിക്കാനായില്ല.

ഇതിന്‍റെ തുടർച്ചയായാണ് രാംപൂർഹട്ടിലെ നിരവധി വീടുകൾ ഇന്ന് പുലർച്ചെ അഗ്നിക്കിരയാക്കിയത്. 11 മൃതദേഹങ്ങൾ ഇതിനോടകം കണ്ടെത്തിയെന്നും ഇതിൽ ഏഴെണ്ണം ഒരു വീട്ടിൽ നിന്നാണ് കണ്ടെത്തിയതെന്നും വാർത്ത ഏജൻസിയായ എ.എൻ.ഐ റിപ്പോർട്ട് ചെയ്തു.

സംഭവത്തിൽ അന്വേഷണത്തിനായി മൂന്നംഗ പ്രത്യേക സംഘത്തെ ബംഗാൾ സർക്കാർ ചുമതലപ്പെടുത്തി. ആകെ 10 പേർ മരിച്ചെന്നും ഇത് രാഷ്ട്രീയ വൈരാഗ്യത്തിന്‍റെ പുറത്ത് സംഭവിച്ചതല്ലെന്നും ബംഗാൾ ഡി.ജി മനോജ് മാളവ്യ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Bengal
News Summary - 10 killed as Bengal mob sets houses afire; 'arson orgy' tweets Governor Jagdeep Dhankhar
Next Story