അനാഥമായി ബംഗാളിലെ ആദ്യ കോവിഡ്​ ഇരയുടെ മൃതദേഹം

കൊൽക്കത്ത: അനാഥമായി ബംഗാളി​ലെ ആദ്യ കോവിഡ്​ ഇരയുടെ മൃതദേഹം. ഒടുവിൽ പ്രാദേശിക ഭരണകൂടത്തിൻെറ നേതൃത്വത്തിൽ ശ് ​മശാനത്തിൽ സംസ്​കാരം. കോവിഡ്​ ബാധയായതിനാൽ ബന്ധുക്കളും നിരീക്ഷണത്തിൽ കഴ​ിയുകയാണ്​. അതിനാൽ ആശുപത്രിയിൽ രേഖകള ിൽ ഒപ്പിടാനോ മരണ സർട്ടിഫിക്കറ്റ്​ വാങ്ങാനോ ബന്ധുക്കൾക്ക്​ എത്താൻ കഴ​ിഞ്ഞില്ല. തുടർന്ന്​ മണിക്കൂറുകൾ കാത്തുവെച്ച മൃതദേഹം പ്രാദേശിക ഭരണകൂടത്തിൻെറ നേതൃത്വത്തിൽ സംസ്​കരിക്കുകയായിരുന്നു.

ലോകാരോഗ്യ സംഘടനയുടെ മാനദണ്ഡങ്ങൾ പാലിച്ച്​ മാത്രമേ മൃതദേഹം സംസ്​കരിക്കാവൂ എന്ന്​ സർക്കാർ ആശുപത്രികൾക്ക്​ നിർദേശം നൽകിയിരുന്നു. കോവിഡ്​ ബാധിച്ച്​ മരിച്ചവരുടെ മൃതദേഹം ബന്ധുക്കൾക്ക്​ വിട്ടുനൽകരുതെന്നും നിർദേശമുണ്ടായിരുന്നു. എന്നാൽ ബന്ധുക്കളുടെ സമ്മതത്തോടെ മ​ാത്രമേ മൃതദേഹം സംസ്​കാരിക്കാനാകൂ.

എന്നാൽ മണിക്കൂറുകൾ കാത്തിരുന്നിട്ടും 57 കാരൻെറ മൃതദേഹം സംസ്​കരിക്കാനുള്ള നടപടികൾ സ്വീകരിക്കാൻ ബന്ധുക്കളാരും എത്തിയില്ല. ഇദ്ദേഹത്തിൻെറ ഭാര്യ മറ്റൊരു ആശുപത്രിയിൽ നിരീക്ഷണത്തിലാണ്​. ആശുപത്രിയിൽ എത്തി അവരുടെ സമ്മതം എഴുതി വാങ്ങുകയായിരുന്നുവെന്ന്​ ആശുപത്രി അധികൃതർ അറിയിച്ചു.

അണുബാധയെ തുടർന്ന്​ സമീപ​ത്തെ സ്വകാര്യ ആശുപത്രിയിലായിരുന്നു ഇദ്ദേഹം ആദ്യം ചികിത്സ തേടിയെത്തിയത്​. വിദേശയാത്ര നടത്തിയിട്ടുണ്ടായിരുന്നില്ല. എന്നാൽ സംശയം തോന്നിയതിനെ തുടർന്ന്​ കോവിഡ്​ പരിശോധന നടത്തിയപ്പോൾ രോഗം സ്​ഥിരീകരിക്കുകയായിരുന്നു. ബംഗാളിൽ​ നാലാമ​തായി റിപ്പോർട്ട്​ ചെയ്​ത കോവിഡ്​ ബാധയായിരുന്നു ഇത്​.

മൃതദേഹം ദഹിപ്പിക്കാൻ ആശു​പത്രി അധികൃതർ പ്രാദേശിക ഭരണകൂടത്തിന്​ കൈമാറി. ഇയാളുടെ വീടിന്​ സമീപത്തെ വൈദ്യൂതി ശ്​മശാനത്തിൽ സംസ്​കരിക്കാനായിരുന്നു തീരുമാനം. ശ്​മശാന ജീവനക്കാരും പ്രദേശവാസികളും ഇതിൽ എതിർപ്പ്​ പ്രകടിപ്പിച്ചു. വൈറസ്​ പടരുമെന്ന കാരണം പറഞ്ഞ് എല്ലാവരും​ ഒഴിഞ്ഞുമാറി. പിന്നീട്​ ഒമ്പതുമണിയോടെയാണ്​ മൃതദേഹം ശ്​മശാനത്തിൻെറ അകത്തേക്ക്​ പ്രവേശിപ്പിച്ചത്​.

എന്തായാലും സംഭവത്തോടെ പ്രദേശവാസികളെല്ലാവരും ആശങ്കയിലാണ്​. ഐസൊലേഷൻ കഴിഞ്ഞ്​ വരു​േമ്പാൾ ഇയാളുടെ ബന്ധുക്കളെ നാട്ടിൽ കാലുകുത്താൻ അനുവദിക്കില്ലെന്ന്​ നാട്ടുകാർ ഭീഷണിപ്പെടുത്തി.