മൈസൂരുവിനടുത്ത് കാറും ബസും കൂട്ടിയിടിച്ച് 10 പേർ മരിച്ചു

മൈസൂരു: കർണാടകത്തിലെ മൈസൂരുവിനടുത്ത് കാറും ബസും കൂട്ടിയിടിച്ച് രണ്ടു കുട്ടികൾ ഉൾപ്പെടെ 10 പേർ മരിച്ചു. കൊല്ലഗൽ- നർസിഗ്പുര മെയിൻ റോഡിലാണ് അപകടം. ടൊയോട്ട ഇന്നോവയും സ്വകാര്യ ബസുമാണ് കൂട്ടിയിടിച്ചത്.

മരിച്ചത് ബെല്ലാരി സങ്കനക്കൽ സ്വദേശികളായ വിനോദ സഞ്ചാരികളാണ്. 13 പേരാണ് കാറിലുണ്ടായിരുന്നത്. കാർ പൂർണമായും തകർന്നു. ഏറെ നേരത്തെ പരിശ്രമത്തിനൊടുവിലാണ് കാറിലുണ്ടായിരുന്നവരെ പുറത്തെടുത്തത്. ആശുപത്രിയിൽ പ്രവേശിപ്പിച്ച മൂന്ന് പേരുടെ നില ഗുരുതരമാണ്.