Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightവാഹനത്തിലെത്തിയ സംഘവും ...

വാഹനത്തിലെത്തിയ സംഘവും പൊലീസും​ ഏറ്റുമുട്ടി;​ ഒരാൾ കൊല്ല​പ്പെട്ടു

text_fields
bookmark_border
വാഹനത്തിലെത്തിയ സംഘവും പൊലീസും​ ഏറ്റുമുട്ടി;​ ഒരാൾ കൊല്ല​പ്പെട്ടു
cancel

ന്യൂഡൽഹി: കാർ മോഷ്​ടാക്കളെന്നു സംശയിക്കുന്ന സംഘവും പൊലീസും തമ്മിലുണ്ടായ വെടിവെപ്പിൽ സംഘത്തിലെ ഒരാൾ കൊല്ലപ്പെട്ടു. രാജസ്​ഥാനിലെ ജയ്​പൂർ സ്വദേശി നൂർ മുഹമ്മദ്​(45) ആണ് ​മരിച്ചത്​. ഒപ്പമുള്ള കുൽദീപ്​ എന്ന രവിയെ പൊലീസ്​ അറസ്​റ്റ്​ ചെയ്​തു. കിഴക്കൻ ഡൽഹിയിലെ വിവേക്​ വിഹാറിൽ​ ഇന്ന്​ രാവിലെയായിരുന്നു സംഭവം. സംഘത്തോടൊപ്പമുള്ള മൂന്നാമൻ മറ്റൊരു കാറിൽ രക്ഷപ്പെട്ടു. 

ടൊയോട്ട ഫോർച്യൂണർ എസ്​.യു.വി മോഷണം പോയതായും ജി.പി.എസ്​ പരിശോധനയിൽ വാഹനം വിവേക്​ വിഹാറിനടുത്ത്​ ജിൽമിൽ ഭാഗത്തു​ണ്ടെന്ന്​ മനസ്സിലായതായും പശ്ചിമ ഡൽഹിയിലെ മിയാൻവാലി നഗർ പൊലീസ്​ സ്​റ്റേഷനിൽ നിന്ന്​ ലഭിച്ച വിവരത്തി​​​െൻറ അടിസ്​ഥാനത്തിൽ പരിശോധനക്കായി എത്തിയതായിരുന്നു പൊലീസ്​ സംഘം. പരിശോധന​ക്കൊടുവിൽ കാറിനടുത്തെത്തിയ പൊലീസ്​ സംഘം മോഷ്​ടാക്കൾ കാറെടുക്കാനെത്തുന്നതു വരെ പരിസരത്ത്​ മറഞ്ഞു നിന്നു. അൽപസമയം കഴിഞ്ഞപ്പോൾ നൂർ മുഹമ്മദും കുൽദീപും മറ്റൊരു കാറിൽ എസ്​.യു.വിക്ക്​ അടുത്തു വന്നിറങ്ങി. ഇവരെ ഇറക്കിയ ശേഷം മൂന്നാമൻ കാറുമായി സ്​ഥലം വിട്ടു. 
ഇരുവരും വാഹനം എടുക്കുന്ന സമയം മുമ്പിലേക്ക്​ ചാടി വീണ പൊലീസുകാർക്കു നേരെ സംഘം വെടിയുതിർത്തു. തുടർന്ന്​ പൊലീസ്​ തിരിച്ചും വെടിവെച്ചു. വെടിവെപ്പിൽ വാഹനം ഒാടിച്ച നൂർ മുഹമ്മദിന്​ നെഞ്ചിൽ ഗുരുതരമായി പരിക്കേറ്റു. ഇയാളെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. പൊലീസിനെ കബളിപ്പിച്ച്​ കടന്നു കളഞ്ഞയാളെ കുറിച്ചുള്ള പേരുവിവരങ്ങൾ പുറത്തു വിട്ടിട്ടില്ല. പൊലീസ്​ കേസെടുത്ത്​ അന്വേഷണം ആരംഭിച്ചിട്ടുണ്ട്​.

Show Full Article
TAGS:shoot out killed thief india news malayalam news 
News Summary - 1 killed,in shootout with Delhi Police in Vivek Vihar over stolen SUV-india news
Next Story