അമിതവേഗതയിൽ ഫുട്പാത്തിലേക്ക് കാർ ഇടിച്ചുകയറി; കാൽനടയാത്രക്കാരന് ദാരുണാന്ത്യം

കൊടിഗെഹള്ളി: കർണാടകയിലെ ബംഗളൂരുവിൽ അമിതവേഗതയിൽ വന്ന കാർ കാൽനടയാത്രക്കാർക്കിടയിലേക്ക് ഇടിച്ചുകയറി. ഒരാൾ മരിച്ചു. നാലു പേർക്ക് ഗുരുതര പരിക്ക്. ബംഗളൂരുവിലെ കൊടിഗെഹള്ളിയിലാണ് സംഭവം.

തിങ്കളാഴ്ച അർധരാത്രിയിലാണ് അപകടമുണ്ടായത്. അമിതവേഗതയിൽ നിയന്ത്രണംവിട്ട കാർ ഫുട്പാത്തിലേക്ക് ഇടിച്ചു കയറുകയായിരുന്നു. ആളുകളെ കൂടാതെ നിർത്തിയിട്ടിരുന്ന ഇരുചക്രവാഹനങ്ങളും കാർ ഇടിച്ചു തെറിപ്പിച്ചു.