അസമിൽ മുഖ്യമന്ത്രി പ​ങ്കെടുത്ത ചടങ്ങിൽ വിതരണം ചെയ്​ത ഭക്ഷണം കഴിച്ച 140 പേർക്ക്​ ദേഹാസ്വാസ്ഥ്യം; ഒരാൾ മരിച്ചു

ഗുവാഹത്തി: അസമിൽ മുഖ്യമന്ത്രി സർബാനന്ദ സോനോവാളും ആരോഗ്യമന്ത്രി ഹിമന്ദ ബിശ്വ ശർമയും പ​ങ്കെടുത്ത ചടങ്ങിനെത്തിയ 140ൽപരം ആളുകളെ ദേഹാസ്വാസ്ഥ്യം അനുഭവപ്പെട്ടതിനെ തുടർന്ന്​ ആശുപത്രിയിൽ പ്രുവേശിപ്പിച്ചു. ഒരാൾ മരിച്ചു. കങ്​ബുറാ ദേ എന്ന യുവാവാണ് ചൊവ്വാഴ്​ച രാത്രിയോടെ​ മരിച്ചത്​. ഭക്ഷ്യ വിഷബാധയാണെന്നാണ്​ സംശയിക്കുന്നത്​.

കർബി അംഗ്ലോങ്​ ജില്ലയിലെ ദിഫു മെഡിക്കൽ കോളജ്​ ആശുപത്രിയിൽ ചൊവ്വാഴ്​ച ആദ്യ അക്കാദമിക സെഷ​െൻറ ഉദ്​ഘാടന ചടങ്ങിനെത്തിയവർക്ക്​ വിതരണം ചെയ്​ത ഭക്ഷണം കഴിച്ചവർക്കാണ്​ ദേഹാസ്വാസ്ഥ്യം അനുഭവപ്പെട്ടത്​.

ഭക്ഷ്യവിഷബാധയുടെ ലക്ഷണങ്ങളായ വയറുവേദനയും ഛർദിയും അനുഭവപ്പെട്ടതിനെത്തുടർന്ന്​ 145ഓളം ആളുകളെ ദിഫു​ സിവിൽ ആശുപത്രിയിൽ പ്രവേശിപ്പിച്ചു. ഇതിൽ പിന്നീട്​ 28 പേർ ആശുപത്രി വിട്ടു.

സംഭവത്തിൽ കർബി ജില്ല ഭരണകൂടം അന്വേഷണത്തിന്​ ഉത്തരവിട്ടിട്ടുണ്ട്​.