Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightയൂണിയൻ ബാങ്കിൽ 52...

യൂണിയൻ ബാങ്കിൽ 52 കോടിയുടെ സാമ്പത്തിക തട്ടിപ്പ്​; സി.ബി.ഐ അന്വേഷിക്കും

text_fields
bookmark_border
cbi
cancel

ന്യൂഡൽഹി: യൂണിയൻ ബാങ്കിലെ 52 കോടിയുടെ സാമ്പത്തിക തട്ടിപ്പിൽ സി.ബി.ഐ കേസ്​ രജിസ്​റ്റർ ചെയ്​ത്​ അന്വേഷണം ആരംഭിച്ചു. ഡൽഹി കേന്ദ്രമാക്കി പ്രവർത്തിക്കുന്ന സ്ഥാപനത്തി​െൻറ ഡയറക്​ടർമാർക്കെതിരെയാണ്​ അന്വേഷണം. തട്ടിപ്പ്​ നടത്തിയ ഇവർ 2019ൽ രാജ്യം വിട്ടിരുന്നു.

ഫൈവ്​ കോർ ഇലക്​ട്രോണിക്​സ്​ എന്ന സ്ഥാപനത്തി​െൻറ ഡയറക്​ടർമാരായ അമർജീത്​ സിങ്​ കലാറ, സുരീന്ദർ സിങ്​ കലാറ, ജഗ്​ജീത്​ സിങ്​ കൗർ കലാറ, സുരീന്ദർ കൗർ കലാറ എന്നിവരാണ്​ കേസിലെ പ്രതികൾ. വഞ്ചന, തട്ടിപ്പ്​, അഴിമതി തുടങ്ങിയ വകുപ്പുകളാണ്​ ഇവർക്കെതിരെ ചുമത്തിയിരിക്കുന്നത്​.

2015ലാണ്​ കമ്പനി വായ്​പക്കായി സമീപിക്കുന്നതെന്ന്​ യൂണിയൻ ബാങ്ക്​ അറിയിച്ചു. തുടർന്ന്​ 70 കോടി ബാങ്കിന്​ വായ്​പയായി അനുവദിച്ചു. 2016ൽ ഇത്​ 111 കോടിയായി വർധിപ്പിച്ചു. എന്നാൽ, വായ്​പ തിരിച്ചടവ്​ മുടങ്ങിയതോടെ അക്കൗണ്ടിനെ എൻ.പി.എയായി പ്രഖ്യാപിച്ചു.

തുടർന്ന്​ നടത്തിയ ​അന്വേഷണത്തിൽ ഫൈവ്​ കോർ ഇലക്​ട്രോണിക്​സി​െൻറ ഫണ്ടിൽ വലിയ രീതിയിൽ തിരിമറി നടന്നതായി കണ്ടെത്തി. കമ്പനി ഡയറക്​ടർമാർ വ്യക്​തപരമായി കമ്പനിയുടെ പണം സ്വന്തമാക്കിയെന്ന്​ അന്വേഷണത്തിൽ തെളിഞ്ഞു. ഇതിന്​ പുറമേ സ്വർണ ബോണ്ടുകളിലും ഓഹരി വിപണിയിലും പണം നിക്ഷേപിച്ചിരുന്നു. സഹോദര സ്ഥാപനങ്ങളിലേക്ക്​ പണം മാറ്റുകയും ചെയ്​തിരുന്നു. ഇൗ വിവരങ്ങൾ പുറത്ത്​ വന്നതോടെയാണ്​ ബാങ്ക്​ സി.ബി.ഐയെ സമീപിച്ചത്​.

Show Full Article
TAGS:Union Bank CBI 
News Summary - ₹ 52-Crore Fraud At Union Bank, CBI Probes Delhi Firm
Next Story