You are here

പുൽവാമ ആക്രമണത്തിൽ നേട്ടമുണ്ടാക്കിയത്​ ആര്​? -ചോദ്യങ്ങളുമായി രാഹുൽ

11:15 AM
14/02/2020

ന്യൂഡൽഹി: 40 സി.ആര്‍.പി.എഫ്. ജവാന്മാരുടെ ജീവനെടുത്ത പുല്‍വാമ ഭീകരാക്രമണത്തിലൂടെ ആർക്കാണ്​ നേട്ടമുണ്ടായതെന്ന ചോദ്യവുമായി കോൺഗ്രസ്​ നേതാവ്​ രാഹുൽ ഗാന്ധി എം.പി. ട്വിറ്ററിലൂടെയാണ്​ രാഹുൽ പുൽവാമ ആക്രമണം സംബന്ധിച്ച്​ സർക്കാറിനോട്​ മൂന്നു ചോദ്യങ്ങൾ ഉന്നയിച്ചിരിക്കുന്നത്​. 

പുൽവാമ ആക്രമണത്തിൽ ഏറ്റവും കൂടുതൽ ​നേട്ടമുണ്ടാക്കിയത്​ ആരാണ്​?, ആ​ക്രമണം സംബന്ധിച്ച അന്വേഷണത്തി​​​െൻറ ഫലമെന്താണ്​? ആക്രമണം നടക്കാനുണ്ടായ ​സുരക്ഷാ വീഴ്ചകൾക്ക് ബി.ജെ.പി സർക്കാരിലെ ആരാണ് ഉത്തരവാദികൾ? - എന്നീ ചോദ്യങ്ങളാണ്​ രാഹുൽ ഉയർത്തിയിരിക്കുന്നത്​. 

ചാവേര്‍ സ്‌ഫോടനം നടത്താന്‍ ഉപയോഗിച്ച സ്‌ഫോടക വസ്തുക്കളുടെ ഉറവിടം കണ്ടെത്താന്‍ ഒരു വര്‍ഷം കഴിഞ്ഞിട്ടും ദേശീയ അന്വേഷണ ഏജന്‍സിക്ക് സാധിച്ചിട്ടില്ല. ഈ പശ്ചാത്തലത്തിലാണ്​ രാഹുലി​​​െൻറ ചോദ്യങ്ങൾ പ്രസക്തമാകുന്നത്​. 

പുൽവാമ ആക്രമണത്തിൽ പ്രധാന പ്രതികളായ മുദാസിര്‍ അഹമ്മദ് ഖാനും സജ്ജാദ് ഭട്ടും കഴിഞ്ഞ വര്‍ഷം മാര്‍ച്ചിലും ജൂണിലുമായി നടന്ന ഏറ്റുമുട്ടലിൽ കൊല്ലപ്പെട്ടുവെന്നാണ്​ റിപ്പോർട്ട്​. അതിനാൽ ആക്രമണത്തി​​​െൻറ സൂത്രധാരനെയോ സ്​ഫോടനത്തി​​​െൻറ ഉറവിടമോ കണ്ടെത്താൻ എൻ.​ഐ.എക്ക്​ കഴിഞ്ഞിട്ടില്ല. 

Loading...
COMMENTS