തെരഞ്ഞെടുപ്പ്​ കമീഷ​െൻറത്​ ‘മോദി കോഡ്​ ഒാഫ്​ കോൺടാക്​ടെ’ന്ന്​ കോൺഗ്രസ്​

ന്യൂഡൽഹി: ലോക്​സഭാ തെരഞ്ഞെടുപ്പ്​ പ്രചാരണങ്ങളിലെ പ്രസംഗങ്ങളിൽ മോദിക്ക്​ ക്ലീൻ ചിറ്റ്​ നൽകിയ തെരഞ്ഞെടുപ്പ്​ കമീഷ​​​െൻറ നടപടിക്കെതി​െര രൂക്ഷ വിമർശനവുമായി കോൺഗ്രസ്​. ‘മോഡൽ കോഡ്​ ഓഫ്​ കോൺടാക്​ട്’​ ഇപ്പോൾ ‘മോദി കോഡ്​ ഒാഫ്​ കോൺടാക്​ട്’​ ആണ്​ എന്ന്​ സുവ്യക്​തമായിരിക്കുന്നു- കോൺഗ്രസ്​ വിമർശിച്ചു.

പെരുമാറ്റച്ചട്ടം വ്യാപകമായി ലംഘിച്ചിട്ടും പ്രധാനമന്ത്രിയെ ശിക്ഷിക്കാത്തതിൽ ദുഃഖമുണ്ട്​. മോദിക്കൊന്നും രാജ്യത്തിലെ മറ്റുള്ളവർക്കൊന്നും എന്ന്​ രണ്ടുതരം നിയമങ്ങൾ സാധ്യമല്ല- പാർട്ടി വാക്​താവ്​ രൺദീപ്​ സിങ്​ സുർജെവാല പറഞ്ഞു.

കേരളത്തിലെ വയനാട്ടിൽ രാഹുൽ ഗാന്ധിയെ സ്​ഥാനാർഥിയാക്കിയത്​ ഹിന്ദുക്കളെ അപമാനിക്കലാണെന്ന പ്രധാനമന്ത്രി നരേന്ദ്ര മോദിയുടെ പ്രസംഗത്തിനെതിരെ കോൺഗ്രസ്​ നൽകിയ പരാതിയിലാണ്​​ തെര​െഞ്ഞടുപ്പ്​ കമീഷ​​ൻ ക്ലീൻചിറ്റ്​ നൽകിയത്​. മഹാരാഷ്​ട്രയിലെ വാർധയിൽ മോദി നടത്തിയ ഇൗ പ്രസംഗം മാതൃകാ പെരുമാറ്റച്ചട്ടത്തി​​​​െൻറ ലംഘനമല്ലെന്ന്​ കമീഷൻ ചൊവ്വാഴ്​ച വ്യക്​തമാക്കിയിരുന്നു.

മോദിയുടെ പ്രസ്​താവനയുടെ ചുവടുപിടിച്ച്​ വയനാട്ടിലെ രാഹുലി​​​​െൻറ സ്​ഥാനാർഥിത്വ​െത്ത ബി.ജെ.പി അധ്യക്ഷൻ അമിത്​ ഷായും വർഗീയ പ്രചാരണത്തിന്​ ഉപയോഗിച്ചിരുന്നു. ഇന്ത്യയിലാണോ പാകിസ്​താനിലാണോ എന്നു പറയാൻ​ പറ്റാത്തിടത്താണ്​ രാഹുൽ ഗാന്ധി മത്സരിക്കുന്നതെന്ന്​ അമിത്​ ഷാ പ്രസംഗിച്ചു. ഇതിനെതിരെ കോൺഗ്രസ്​ നൽകിയ പരാതിയിലും കമീഷൻ നടപടിയെടുത്തില്ല.

മോദിക്കും അമിത്​ ഷാക്കുമെതിരെ നൽകിയ പരാതികളിൽ നടപടിയെടുക്കാത്തതിനെതിരെ കോൺഗ്രസ്​ സമർപ്പിച്ച ഹരജി സുപ്രീംകോടതി വ്യാഴാഴ്​ചയിലേക്ക്​ നീട്ടിവെച്ചിരുന്നു. ചൊവ്വാഴ്​ച പരാതികളിൽ നടപടിയെടുക്കും എന്ന്​ അറിയിച്ചതിനെ തുടർന്നായിരുന്നു ഇത്​.