Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_right‘‘ഏകാധിപത്യം...

‘‘ഏകാധിപത്യം ഉച്ചസ്ഥായിയിൽ’’:കസ്​റ്റഡിയിലെടുത്ത ചന്ദ്രശേഖറിനെ ഡൽഹിയിലെത്തിച്ചു

text_fields
bookmark_border
‘‘ഏകാധിപത്യം ഉച്ചസ്ഥായിയിൽ’’:കസ്​റ്റഡിയിലെടുത്ത ചന്ദ്രശേഖറിനെ ഡൽഹിയിലെത്തിച്ചു
cancel

ഹൈദരാബാദ്​: പൗരത്വ ഭേദഗതി നിയമത്തിനെതിരായ പ്രതിഷേധ റാലിയിൽ പ​ങ്കെടുക്കാനെത്തിയ തന്നെ കസ്​റ്റഡിയിലെടുത്ത്​ ഡൽഹിയിൽ എത്തിച്ച തെലങ്കാന പൊലീസ്​ നടപടിക്കെതിരെ ഭീം ആര്‍മി നേതാവ് ചന്ദ്രശേഖര്‍ ആസാദ്. തെലങ്കാനയിൽ ഏകാധിപത് യം ഉച്ചസ്ഥായിയിലെത്തിയിരിക്കുന്നു. പ്രതിഷേധിക്കാനുള്ള ജനങ്ങളുടെ അവകാശം കൂടി അപഹരിക്കപ്പെടുകയാണെന്നും ആസാദ ്​ ട്വിറ്ററിലൂടെ പ്രതികരിച്ചു.

പൗരത്വ ഭേദഗതി നിയമത്തിനെതിരെ ഹൈദരാബാദ് ക്രിസ്റ്റല്‍ ഗാര്‍ഡനിലെ പ്രതിഷേധ റാലിയിൽ പങ്കെടുക്കാനെത്തിയ ആസാദിനെ ​ ഹോട്ടലിൽ വെച്ച്​ പൊലീസ്​ കസ്​റ്റഡിയിലെടുത്തിരുന്നു. പിന്നീട്​ തിങ്കളാഴ്​ച പുലർച്ചെ അദ്ദേഹത്തെ ഡൽഹിയിലേക്ക്​ തിരിച്ചയച്ചു.

‘‘തെലങ്കാനയിൽ സ്വേച്ഛാധിപത്യം അതി​​െൻറ ഉച്ചസ്ഥായിയിലാണ്. പ്രതിഷേധിക്കാനുള്ള ജനങ്ങളുടെ അവകാശം അപഹരിക്കപ്പെടുന്നു. ആദ്യം നമ്മുടെ ജനതക്കെതിരെ ലാത്തിവീശി. പിന്നെ എന്നെ അറസ്റ്റ് ചെയ്തു. ഇപ്പോൾ എന്നെ വിമാനത്താവളത്തിലേക്ക് കൊണ്ടുവന്ന് ഡൽഹിയിലേക്ക്​ തിരിച്ചയക്കുന്നു. തെലങ്കാന മുഖ്യമന്ത്രി ഓർക്കുക, ബാഹുജന സമൂഹം ഈ അപമാനം ഒരിക്കലും മറക്കില്ല. ഉടൻ മടങ്ങിയെത്തും’’ - ആസാദ്​ ട്വിറ്ററിൽ കുറിച്ചു.

ക്രിസ്റ്റല്‍ ഗാര്‍ഡനിലെ പ്രതിഷേധ റാലിക്ക്​ പൊലീസ് അനുമതി നിഷേധിച്ചിരുന്നു. എന്നാൽ അത്​ മറികടന്ന്​ ചന്ദ്രശേഖർ ആസാദി​​െൻറ നേതൃത്വത്തിൽ വൻ പ്രതിഷേധറാലി നടക്കുമെന്ന്​ സൂചന ലഭിച്ചു. തുടർന്ന്​ പൊലീസ്​ ആസാദ്​ തങ്ങിയ ഹോട്ടലിൽ എത്തി അദ്ദേഹത്തെ കസ്​റ്റഡിയിലെടുക്കുകയായിരുന്നു.

നേരത്തേ പൗരത്വ ഭേദഗതി നിയമത്തിനെതിരെ ഡല്‍ഹി ജമാ മസ്ജിദില്‍ പ്രതിഷേധിച്ചതിന്‍റെ പേരില്‍ അറസ്റ്റിലായ ചന്ദ്രശേഖർ ആസാദ്​ 26 ദിവസത്തെ ജയില്‍വാസത്തിന് ശേഷമാണ്​ ജാമ്യത്തിലിറങ്ങിയത്​.


Show Full Article
TAGS:‘CAA protest Dictatorship Bhim Army Chie india news 
News Summary - ‘Dictatorship at its Peak’: Bhim Army Chief Being Taken to Delhi - India news
Next Story