തന്നെ സംവാദത്തിന്​ വിളിക്കു; അമിത്​ ഷാ​യെ വെല്ലുവിളിച്ച്​ ഉവൈസി

ന്യൂഡൽഹി: ബി.ജെ.പി ദേശീയ അധ്യക്ഷൻ അമിത്​ ഷായെ സംവാദത്തിന്​ വെല്ലുവിളിച്ച്​ എ.ഐ.എം.ഐ.എം അധ്യക്ഷൻ അസദുദ്ദീൻ ഉവൈസി . കരീംനഗറിൽ റാലിയെ അഭിസംബോധന ചെയ്​ത്​ സംസാരിക്കു​േമ്പാഴാണ്​ ഉവൈസിയുടെ പ്രസ്​താവന.

രാഹുലിനേയും മമതയേയും സി.എ.എ സംബന്ധിച്ച് സംവാദത്തിന് അമിത്​ ഷാ ​​വെല്ലുവിളിക്കുകയാണ്​. അവരെ ക്ഷണിക്കുന്നതിന്​ പകരം തന്നെ ഷാ സംവാദത്തിന്​ ക്ഷണിക്കണമെന്ന്​ ഉവൈസി ആവശ്യപ്പെട്ടു. ബി.ജെ.പിയെ ജനങ്ങൾ ഭയ​പ്പെടേണ്ട ആവശ്യമില്ലെന്നും ഉവൈസി പറഞ്ഞു.

നേരത്തെ സി.എ.എ സംബന്ധിച്ച്​ മമത ബാനർജിയേയും രാഹുൽ ഗാന്ധിയേയും കേന്ദ്ര ആഭ്യന്തര മന്ത്രി അമിത്​ ഷാ സംവാദത്തിന്​ വെല്ലുവിളിച്ചിരുന്നു. ഇതിന്​ പിന്നാലെയാണ്​ അമിത്​ ഷായെ വെല്ലുവിളിച്ച്​ ഉവൈസി രംഗത്തെത്തിയിരിക്കുന്നത്​.