Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightജയലളിതയുടെ...

ജയലളിതയുടെ പിൻഗാമിയാകാൻ ടി.ടി.വി

text_fields
bookmark_border
ttv-Dinakaran
cancel

ചെന്നെ: ജയലളിതയു​െട മരണത്തെ തുടർന്ന്​ ഒഴിവു വന്ന ആർ.കെ നഗർ നിയമ സഭാ സീറ്റിലേക്ക് നടന്ന ഉപതെരഞ്ഞെടുപ്പിൽ ശശികല വിഭാഗം സ്​ഥാനാർഥി ടി.ടി.വി ദിനകരന്​ വൻ വിജയം. ജയലളിതയു​െട യഥാർഥ പിൻഗാമി തങ്ങളാണെന്ന അവകാശ വാദങ്ങൾക്കുള്ള അംഗീകാരം കൂടിയായാണ്​ ഇൗ വിജയത്തെ വിമത പക്ഷം കാണുന്നത്. പാർട്ടിയുടെ പേരും ചിഹ്​നവും നേടി​െയങ്കിലും അതൊന്നും ഇ.പി.എസ്​- ഒ. പി.എസ്​ പക്ഷത്തെ പിന്തുണച്ചില്ലെന്നാണ്​ തെരഞ്ഞെുപ്പ്​ ഫലം വ്യക്​തമാക്കുന്നത്​. 

വോട്ടിനു പണം എന്ന ആരോപണത്തി​​െൻറ നിഴലിൽ നടന്ന തെരഞ്ഞെടുപ്പിൽ 77 ശതമാനം വോട്ടാണ്​ പോൾ ചെയ്​തത്​. 2011 നു ശേഷം ഉണ്ടായ ഏറ്റവും ഉയർന്ന പോളിങ്ങ്​ ശതമാനമായിരുന്നു മണ്ഡലത്തിൽ രേഖപ്പെടുത്തിയത്​. 

ശശികല നിയമിച്ച മുഖ്യമന്ത്രിയും മന്ത്രിമാരും ശശികലയെ പുറത്താക്കി എതിർ പക്ഷക്കാരനായ ഒ.പി.എസിനെ കൂട്ടു പിടിച്ച്​ പാർട്ടിയെയും അമ്മയെയും വഞ്ചിച്ചുവെന്ന തോന്നൽ ജനങ്ങളിൽ നിറക്കാൻ ടി.ടി.വി ദിനകര പക്ഷത്തിനായിട്ടുണ്ട്​. ജയലളിതയുടെ മരണത്തെ കുറിച്ചുള്ള വിവരങ്ങൾ ശശികല ഒളിക്കുകയാണെന്ന്​ ആരോപണം തെരഞ്ഞെടുപ്പ്​ പ്രചാരണത്തിനിടെ എ.​െഎ.എ.ഡി.എം.കെ ഉയർത്തിയിരുന്നു. 

അതിനെ പ്രതിരോധിക്കുന്നതിനായാണ്​ പോളിങ്ങ്​ ദിവസം ജയലളിതയു​െട ആശുപത്രി ദൃശ്യങ്ങൾ പുറത്തു വിട്ട്​ ജനവികാരം അനുകൂലമാക്കാൻ ദിനകരപക്ഷം ശ്രമിച്ചത്​. ആ ശ്രമം വിജയം കണ്ടു​െവന്നാണ്​ തെരഞ്ഞെടുപ്പ്​ ഫലം നൽകുന്ന സൂചന. 

പാർട്ടിയുടെ നേതൃസ്​ഥാനത്തിനു വേണ്ടി ജയലളിതയുടെ ആജീവനാന്ത തോഴിയായ ശശികലയും ടി.ടി.വി ദിനകരനും ചേർന്ന്​ വൻ പോരാട്ടം തന്നെ നടത്തിയിരുന്നു. അതി​െന തുടർന്ന്​ പാർട്ടി പിളരുകയും എടപ്പാടി പളനി സാമി, ഒ. പനീർ ശെൽവം, ശശികല വിഭാഗം എന്നിങ്ങനെ മൂന്നായി തിരിയുകയുമുണ്ടായി. പിന്നീട്​ എടപ്പാടി പളനി സാമി വിഭാഗവും ഒ. പനീർ ശെൽവം വിഭാഗവും യോജിച്ച്​ ശശികലക്കെതിരെ പോരാടി. 

എന്നാൽ, അനധികൃത സ്വത്ത്​ സമ്പാദന കേസിൽ ജയിൽ പോയപ്പോഴും അമ്മക്ക്​ വേണ്ടി ജയിൽ കിടക്കുന്നു​െവന്നായിരുന്നു ശശികലയു​െട വാദം.  അമ്മക്ക്​ ശേഷം ചിന്നമ്മായായി വാഴാനുള്ള അവരുടെ നീക്കങ്ങൾ ജനങ്ങളെ സ്വാധീനിച്ചിട്ടുണ്ട്​ എന്നു തന്നെ വേണം കരുതാൻ. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:sasikalaaiadmkttv dinakaranRK Nagar bye electionmalayalam newsJ JayalalithaaJ Jayalalithaa
News Summary - ​TTV Follows Jayalalithaa - India News
Next Story