Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightദിണ്ഡുഗലിൽ സ്വകാര്യ...

ദിണ്ഡുഗലിൽ സ്വകാര്യ ബസ്​ അപകടം; മൂന്ന്​ മലയാളികൾ മരിച്ചു

text_fields
bookmark_border
ദിണ്ഡുഗലിൽ സ്വകാര്യ ബസ്​ അപകടം; മൂന്ന്​ മലയാളികൾ മരിച്ചു
cancel

ദിണ്ഡുഗൽ​/കോട്ടയം: പത്തനംതിട്ടയിൽനിന്ന്​ ബംഗളൂരുവിലേക്ക്​ പോയ അന്തർ സംസ്​ഥാന സ്വകാര്യ ബസ്​ അപകടത്തിൽപെട്ട് യാത്രക്കാരും രക്ഷാപ്രവർത്തകനുമടക്കം മൂന്നുപേർ മരിച്ചു. അപകടത്തിൽപെട്ട ബസിൽനിന്ന്​ പുറത്തിറങ്ങിയവരെ മറ്റൊരു ബസ് ഇടിച്ചു തെറിപ്പിക്കുകയായിരുന്നുവെന്നാണ്​ ബന്ധുക്കൾക്ക്​ ലഭിച്ച വിവരം. പത്ര ഏജൻറ്​ മുണ്ടക്കയം പറത്താനം മൂന്നാനപ്പള്ളിയിൽ സണ്ണി ജോസഫി​​​െൻറ മകൻ ജിനു ജോസഫ്​ (28), കട്ടപ്പന നരിയമ്പാറ പുതിയകാവ് ദേവീക്ഷേത്രം ചെയർമാൻ കെ.കെ. തങ്കപ്പ​​​െൻറ അനുജനും ട്രസ്​റ്റ്​ എക്സിക്യൂട്ടിവ് കമ്മിറ്റി അംഗവുമായ കെ.കെ. രാജൻ (67), കൊല്ലം അഞ്ചാലുംമൂട്​ ചിറ്റിലക്കാട്ട്​ തെക്കേതിൽ ബൈജു (ഷാജി) എന്നിവരാണ്​ മരിച്ചത്​. അപകടത്തിൽ പത്തിലേറെ ​േപർക്ക്​ പരിക്കുണ്ട്​. 

ഞായറാഴ്​ച രാവിലെ തമിഴ്നാട്ടിലെ ദിണ്ഡുഗലിന്​ സമീപം വേദസന്തൂരിലാണ്​ അപകടം. മഴയെത്തുടർന്ന്​ ബസ് തെന്നിമറിയുകയായിരുന്നു. അപകടത്തിൽ പരിക്കേൽക്കാതെ ജിനുവും രാജനും രക്ഷപ്പെട്ടിരുന്നു. തുടർന്ന്​ ഇരുവരും ബസിൽ കുടുങ്ങിയവരെ രക്ഷിക്കാൻ ശ്രമിക്കുകയായിരുന്നു. ഇതിനിടെ ഇതുവഴി മിനി ലോറിയിൽ വരുകയായിരുന്ന ബൈജുവും രക്ഷാപ്രവർത്തനത്തിന്​ ഇറങ്ങി. ബസിൽ കുടുങ്ങിയവരെ പുറത്തിറക്കുന്നതിനിടെ ഇവരെ പിന്നില്‍നിന്ന്​ വന്ന മറ്റൊരു ബസ്​ ഇടിച്ചു തെറിപ്പിക്കുകയായിരുന്നു.

ജിനു ബംഗളൂരു അഡോബി സിസ്​റ്റംസ് ഐ.ടി കമ്പനിയിൽ സോഫ്​റ്റ്​വെയർ എൻജിനീയറിങ് സീനിയർ എക്സിക്യൂട്ടിവാണ്. ശനിയാഴ്ച വൈകീട്ട് ആറിനാണ് മുണ്ടക്കയത്തുനിന്ന്​ പുറപ്പെട്ടത്. രണ്ടാഴ്ചയിൽ ഒരിക്കൽ വീട്ടിൽ വന്നിരുന്ന ജിനു സ്ഥിരം ബസിലും വിമാനമാർഗവുമാണ്​ ബംഗളൂരുവിലേക്ക്​ യാത്ര ചെയ്തിരുന്നത്. അഞ്ചുവർഷമായി ​െഎ.ടി മേഖലയിൽ ജോലിചെയ്യുന്ന ജിനു ഒന്നരവർഷം മുമ്പാണ്​ അഡോബി സിസ്​റ്റംസിൽ ചേർന്നത്. ജിനുവി​​​െൻറ സംസ്‌കാരം തിങ്കളാഴ്​ച രാവിലെ 11ന് പറത്താനം സ​​െൻറ്​ മേരീസ് പള്ളി സെമിത്തേരിയില്‍. മാതാവ്: ആൻസി, സഹോദരൻ: ജിജു. രാജ​​​െൻറ സംസ്​കാരം തിങ്കളാഴ്​ച രാവിലെ 10.30ന്​ വീട്ടുവളപ്പിൽ. ഭാര്യ: പൊന്നമ്മ. മക്കൾ: ബിജേഷ്, വിജി, ബിജു. മരുമക്കൾ: സുരേഖ രാജേഷ്, ഷാദിയ. 

Show Full Article
TAGS:road accident dindigul india news malayalam news 
News Summary - ​Three dead in dindigul acident-Kerala news
Next Story