ഹോണ്ട സിറ്റിയെ ലംബോർഗിനിയാക്കാം-Video

16:35 PM
12/05/2018
lambourgini-23

കാറുകളുടെ മോഡിഫിക്കേഷൻ ഇന്നൊരു സാധാരണ സംഭവമാണ്​. നിയമം അനുവദിക്കുന്നില്ലെങ്കിലും മോഡിഫിക്കേക്ഷൻ ചെയ്​ത്​ നിരത്തുകളിൽ പായുന്ന കാറുകൾ  നിത്യകാഴ്​ചയാണ്​. എൻജിൻ ട്യൂണിങ്​, സ്​പോയിലർ, ബോഡി കിറ്റ്​ എന്നിവയിലെല്ലാമാണ്​ പ്രധാനമായും കാർ ഉടമകൾ മാറ്റം വരുത്തുക. എന്നാൽ, ഇതിൽ നിന്നും വ്യത്യസ്​തമായി ജയ്​പൂർ സ്വദേശി ത​​െൻറ ഹോണ്ട സിറ്റിയെ ലംബോർഗിനിയാക്കി​ മാറ്റിയിരിക്കുന്നത്​.

2006 ഹോണ്ട സിറ്റി സെഡ്​ എക്​സിലായിരുന്നു പരീക്ഷണം. 7.5 ലക്ഷം രൂപ മുടക്കിയാണ്​ സിറ്റി​െയ ലംബോർഗിനിയാക്കി മാറ്റിയിരിക്കുന്നത്​. ഇലക്​ട്രിക്​ കൺവേർട്ടബിൾ സംവിധാനവും മോഡിഫൈഡ്​ കാറിൽ ഒരുക്കിയിട്ടുണ്ട്​. ഇലക്​ട്രിക്കലായി ക്രമീകരിക്കാവുന്ന ബംബറും സൈഡ്​ സ്​കേർട്​സും മോഡലി​​െൻറ പ്രത്യേകതയാണ്​. 

കത്രികയുടെ ആകൃതിയിലുളള ലംബോർഗിനിയുടെ തനത്​ ഡോറുകളും മോഡലിൽ ഇടപിടിച്ചിട്ടുണ്ട്​. ലംബോർഗിനി മോഡലിന്​ സമാനമായി നല്ല ചുവന്ന നിറവും പുതിയ കാറിന്​ നൽകിയിട്ടുണ്ട്​. നിലവിലെ നിയമങ്ങൾ മുൻനിർത്തി മോഡിഫൈഡ്​ ലംബോർഗിനിക്ക്​ നിരത്ത്​ കീഴടക്കണമെങ്കിൽ കടമ്പകളേറെയാണ്​.

Loading...
COMMENTS