ജാവ പവർഫുളാണ്​​

70കളിലെ ഇന്ത്യൻ യുവത്വത്തിന്​ ഹരമായിരുന്നു ജാവ. ജാവ, റോയൽ എൻഫീൽഡ്​, യെസ്​ദി, രാജ്​ദൂത്​ തുടങ്ങിയ പേരുകൾ യുവാക്കൾക്ക്​ അത്രമേൽ പ്രിയപ്പെട്ടതായിരുന്നു. ഇന്ന്​ റോയൽ എൻഫീൽഡ്​ ബൈക്കുകൾക്കുണ്ടായിരുന്നു ജനപ്രീതിയാണ്​ ഒരുകാലത്ത്​ ജാവക്കുണ്ടായിരുന്നത്​. 1971 വരെ ഇന്ത്യൻ നിരത്തുകളെ പ്രകമ്പനം കൊള്ളിച്ച് ജാവയുണ്ടായിരുന്നു. പിന്നീട്​ യെസ്​ദിയെന്ന്​ പേരിലും ജാവ ഇന്ത്യൻ യുവത്വത്തി​​​​​െൻറ നെഞ്ചിടിപ്പേറ്റി നിരത്തിലുണ്ടായിരുന്നു. ആഗോളവൽക്കരണം ഇന്ത്യയിൽ വന്നതോടെ നിരവധി ഇരുചക്രവാഹന നിർമാതാക്കളാണ്​ രാജ്യ​ത്ത്​ എത്തിയത്​. വിദേശ വാഹന നിർമാതാക്കളുടെ വരവിൽ പ​ഴയ പുലികൾ പതിയെ വിപണിയിൽ നിന്ന്​ പിൻവാങ്ങി. റോയൽ എൻഫീൽഡി​െനാഴികെ മറ്റാർക്കും ഇൗ കുത്തൊഴുക്കിൽ പിടിച്ച്​ നിൽക്കാനായില്ല.

വർഷങ്ങൾക്ക്​ ശേഷം 2016ൽ മഹീന്ദ്ര ബ്രിട്ടീഷ്​ ഇരുചക്ര വാഹന നിർമാതാക്കളായ ബി.എസ്​.എയെ ഏറ്റെടുത്തതോടെയാണ്​ ജാവ വീണ്ടും നിരത്തിലെത്തുന്നതിന്​ വഴിയൊരുങ്ങിയത്​. മഹീ​ന്ദ്ര മേധാവി ആനന്ദ്​ മഹീന്ദ്ര ട്വിറ്ററിലുടെയാണ്​ ജാവ വീണ്ടും എത്തുന്നുവെന്ന വിവരം അറിയിച്ചത്​. പ്രഖ്യാപനം നടത്തി രണ്ട്​ വർഷത്തിന്​ ശേഷം മഹീന്ദ്ര വാക്കുപാലിച്ചു. 300 സി.സി എൻജിൻ കരുത്തിൽ പഴയ പ്രൗഢിയോടെ ജാവ വീണ്ടും അവതരിക്കുന്നത്​.

1878ൽ ചെക്ക്​ റിപബ്ലിക്കിലെ ചെറിയൊരു ഗ്രാമത്തിൽ ജനിച്ച എൻജീനിയറിങ്​ ബിരുദധാരിയായ ഫ്രാൻഷ്​ ജെനിചാണ്​ ജാവയുടെ പിറവിക്ക്​ പിന്നിൽ. 1929 ജർമ്മൻ വ്യവസായിയിൽ നിന്ന്​ മോ​േട്ടാർ സൈക്കിൾ കമ്പനി ജെനിച്ചള​ വിലക്ക്​ വാങ്ങിയതോടെയാണ്​ ജാവയുടെ ചരിത്രം ആരംഭിക്കുന്നത്​. പിന്നീട്​ രണ്ടാം ലോക മഹായുദ്ധത്തെയും അതിജീവിച്ച്​ ജാവ കുതിക്കുകയായിരുന്നു. 1961ലാണ്​ ജാവ ഇന്ത്യയിൽ എത്തിയത്​. മൈസൂർ രാജാവി​​​​​െൻറ സഹകരണത്തോടെ കമ്പനി ആരംഭിച്ചായിരുന്നു ഇന്ത്യയിലെ തുടക്കം. 1961 മുതൽ 71 വരെയുള്ള പത്ത്​ വർഷം ജാവയുടെ സുവർണ കാലമായിരുന്നു. നിരവധി മോഡലുകൾ ഇക്കാലയളവിൽ കമ്പനി പുറത്തിറക്കി. 1971ൽ യെസ്​ദി എന്ന പേരിൽ ജാവയുടെ സാ​േങ്കതിക പിന്തുണയിൽ മോ​േട്ടാർ സൈക്കിളുകൾ പുറത്തിറക്കുകയായിരുന്നു. 1996 ആയതോടെ ആഗോളതലത്തിൽ തന്നെ ജാവ പ്രതിസന്ധി നേരിടാൻ തുടങ്ങി. യുറോപ്യൻ വിപണിയിൽ മാത്രമായി ജാവ പതിയെ ഒതുങ്ങുകയായിരുന്നു.