ഇത്​ വേറെ ലെവൽ ബ്രോ

എൻജിൻ സ്​റ്റാർട്ടാക്കി ആക്​സിലറേറ്റർ ചവിട്ടു​േമ്പാൾ എക്സോസ്​റ്റ്​ വഴി ഇരമ്പൽ, കുതിച്ചുപായുംമുമ്പ്​ ചീറ്റ പ്പുലിയെപ്പോലെ പതിഞ്ഞു ബോഡി, എജ്ജാതി ലുക്ക്​ നൽകുന്ന നീലയും കറുപ്പും പെയിൻറിങ്​, കസ്​റ്റം ലൈറ്റുകൾ, സ്​പോർ ട്ടി അകത്തളം... ആരുമൊന്ന്​ കൊതിച്ചുപോകും, ഇതുപോലെയൊരു വാഹനത്തിന്​.

അതെ, ഇൗ​ വണ്ടിഭ്രാന്തന്മാരുടെ മാത് രം ലോകത്തിൽ പൊളി ബ്രോയാണ്​​ ദിജിത്ത്​ എന്ന ജിത്തു. ​എട്ടുവർഷം മുമ്പ്​​ ജിത്തുവി​​െൻറ കൈയിലെത്തി ഹോണ്ട സി വിക്​ കാർ. സ്​​ൈകബ്ലൂ നിറത്തിൽ ഒരു പാവം. പിന്നെ മൊത്തമൊന്ന്​ പൊളിച്ചുപണിത്​ മഞ്ഞനിറത്തിൽ തനി ഫ്രീക്കനാക്ക ി. കാലമേറെ കഴിഞ്ഞപ്പോൾ വീണ്ടും സിവിക്കിനെ പരിഷ്​കരിച്ചു. ഏകദേശം ഏഴു​ലക്ഷം രൂപ ചെലവഴിച്ച്​ മോഡിഫൈ ചെയ്​ത്​​ ​​ കിടുക്കാച്ചി ലുക്കായി​.

നീലയും കറുപ്പും ചേർന്ന നിറമാണ്​ ഇത്തവണ. കാർബൺ ഫൈബറാണ്​ കറുപ്പ്​ നിറത്തിന്​ പിന് നിൽ​. തായ്​ലൻഡിൽനിന്ന്​ ഇറക്കു​മതി ചെയ്​ത മ്യൂഗ​​െൻറ ബോഡികിറ്റിൽ ചുള്ളൻ ചെക്കനാക്കി. റാഡി8 എന്ന കമ്പനിയുടെ 18 ഇഞ്ച്​​ അലോയ് വീൽ​ ഇംഗ്ലണ്ടിൽനിന്ന്​ കപ്പൽ കയറി വന്നതാണ്​​.​ 1,35,000 ലക്ഷം രൂപയാണ്​ വില. 1.40 ലക്ഷം രൂപ ചെലവഴിച്ചു എയർ സസ്​പെൻഷന്​. ഇതുവഴി വാഹനത്തി​​െൻറ ​ഗ്രൗണ്ട്​ ക്ലിയറൻസ്​ കൂട്ടാം കുറക്കാം. കൂടാതെ റീമാപ്പ്​ ചെയ്​ത്​ ബി.എച്ച്​.പിയും ടോർക്കുമെല്ലം വർധിപ്പിച്ചു. ഒപ്പം ബ്രേക്കിങ്​ ഉൾപ്പെടെ സുരക്ഷ സൗകര്യങ്ങളും അപ്​ഗ്രേഡ്​ ചെയ്​തു.

എം.ബി.എയിൽനിന്ന്​ മോഡിഫിക്കേഷനിലേക്ക്​
ബംഗളൂരുവിൽനിന്ന്​ എം.ബി.എ കഴിഞ്ഞ്​ റിലയൻസ്​, മാക്​സ്​ തുടങ്ങി വിവിധ കമ്പനികളിൽ ജോലി ചെയ്യു​േമ്പാഴും ജിത്തുവി​​െൻറ മനസ്സ്​ കാറുകൾക്കു​ പിറകെയായിരുന്നു. അങ്ങനെ​ ജോലിയെല്ലാം വി​െട്ടറിഞ്ഞ്​ കോഴിക്കോട്ട്​​ ഗാരേജ്​ തുടങ്ങി. രണ്ടു​ വർഷം മുമ്പാണ്​ കാലിക്കറ്റ്​ യൂനിവേഴ്​സിറ്റിക്ക്​ സമീപത്തെ പള്ളിക്കൽ ബസാറിൽ ‘360 മോ​േട്ടാറിങ്’​ എന്ന സ്​ഥാപനം തുടങ്ങുന്നത്​. പിന്നീടങ്ങോട്ട് ടോപ്ഗിയറിലായി. ഇന്ന്​ കേരളത്തി​​െൻറ നാനാഭാഗത്തുനിന്നും മറ്റു സംസ്​ഥാനങ്ങളിൽനിന്നുമെല്ലാം ആളുകൾ കാറുകളെ പൊളിച്ചടുക്കി ഹെവി ലുക്കിൽ പരിഷ്​കരിക്കാൻ പള്ളിക്കൽ ബസാറെന്ന കൊച്ചുഗ്രാമത്തിലേക്ക്​ എത്തുന്നു.

ഹോണ്ട സിവിക്​ കൂടാതെ മാരുതി ജിപ്​സി, സെൻ, ഫോക്​സ്​വാഗൻ പോളോ, റിനോ ക്വിഡ്​ എന്നിവയും ജിത്തുവി​​െൻറ ശേഖരത്തിലുണ്ട്​. കോളജുകളിലും മറ്റും ഇവയെ പ്രദർശനത്തിന്​ കൊണ്ടുപോകാറുണ്ടെങ്കിലും മോഡിഫൈ ചെയ്​ത വാഹനം മനസ്സമാധാനത്തോടെ ഒാടിക്കാൻ കേരളത്തിന്​ പുറത്തുകടക്കണമെന്നാണ്​ ഇവരുടെ പക്ഷം. നമ്മുടെ അധികൃതരുടെ ഭാഗത്തുനിന്ന് പലപ്പോഴും​ ഡാർക്​ സീനായതിനാൽ വണ്ടിയുമെടുത്ത്​ അതിർത്തി കടക്കും​. ഇൗ യാത്രകൾ അവസാനിക്കുക ബംഗളൂരുവിലും ഹൈദരാബാദിലുമൊക്കെയാണ്​. കർണാടകയിലും തമിഴ്​നാട്ടിലുമെല്ലാം മോഡിഫൈചെയ്​ത വാഹനങ്ങൾക്ക്​ യഥേഷ്​ടം സഞ്ചരിക്കാമെന്ന്​ ജിത്തു പറയുന്നു. നിയമത്തിലെ നൂലാമാലകൾ കുറച്ച്​ മറ്റുള്ളവർക്ക്​ ശല്യമാകാത്ത മോഡിഫിക്കേഷനുകൾ അനുവദിക്കണമെന്നാണ്​ ഇവരുടെ ആവശ്യം. ജിത്തുവി​​െൻറ വാക്കുകൾ കടമെടുത്താൽ, ഇത്​ ​േമാഡിഫിക്കേഷനല്ല, ബ്യൂട്ടിഫിക്കേഷൻ മാത്രം​.

മലപ്പുറം ജില്ലയിലെ പരപ്പനങ്ങാടി സ്വദേശിയാണ് 35കാരനായ​ ജിത്തു. സോജ്​നയാണ്​ ഭാര്യ. നർത്തകി കൂടിയായ ഇവർ വള്ളിക്കുന്ന്​ അരിയല്ലൂരിൽ ഡാൻസ്​ സ്​കൂൾ നടത്തുന്നു​. ജുഗൽ കൃഷ്​ണയാണ്​ ഏക മകൻ. പിതാവ്​ ബാലകൃഷ്​ണൻ എസ്​.ബി.ടിയിൽനിന്ന്​ മാനേജറായി വിരമിച്ചതാണ്​. ഇദ്ദേഹത്തി​​െൻറ മാരുതി 800 ആണ്​ ജിത്തുവി​​​െൻറ ആദ്യ പ്രണയം​. വിജയയാണ്​ മാതാവ്​.

സൂക്ഷിച്ചാൽ സീൻ കോണ്ട്രയാകില്ല
വാഹനങ്ങളുടെ രൂപമാറ്റം നിയമവിരുദ്ധമാണെന്ന 2019 ജനുവരിയിലെ സുപ്രീംകോടതി വിധി​ മോഡിഫൈഡ്​ വാഹനങ്ങൾക്ക്​ വലിയ ആഘാതമായി​. വാഹനത്തി​​െൻറ അടിസ്​ഥാന ഘടനയിൽ മാറ്റംവരുത്താൻ പാടില്ല എന്നാണ്​ നിയമം. ആകെ നിറം മാറ്റാൻ മാത്രമാണ്​ ഉടമക്ക്​ അധികാരം​. ഇതിന്​ മോ​േട്ടാർ വാഹനവകുപ്പിൽനിന്ന്​ പ്രത്യേകം അനുമതി വാങ്ങണം. വണ്ടി വലിച്ചുനീട്ടുക, വലുപ്പം കുറക്കുക, ഉയരം വർധിപ്പിക്കുക, വീതിയേറിയ ടയർ, ഉയർന്ന​ അലോയ്​വീലുകൾ, തീവ്രതകൂടിയ ലൈറ്റ്, കാതടപ്പിക്കുന്ന ഹോൺ എന്നിവയെല്ലാം നിയമവിരുദ്ധം തന്നെ​. കൂടാതെ ബൈക്കുകളിൽ ഹാൻഡിൽ, സൈലൻസർ, ലൈറ്റുകൾ തുടങ്ങിയവ മാറ്റുന്നതും കുറ്റകരമാണ്​​.

സേവ്​ മോഡിഫിക്കേഷൻ
കേരളത്തിൽ ഏതാനും മാസംമുമ്പ്​​​ മോഡിഫൈ ചെയ്​ത ജീപ്പുകളടക്കം അധികൃതർ പിടിച്ചെടുത്തിരുന്നു​. ഇതിനെതിരെ വണ്ടിഭ്രാന്തന്മാരുടെ ഭാഗത്തുനിന്ന്​ വ്യാപക പ്രതിഷേധമാണ്​ അരങ്ങേറിയത്​. പ്രളയകാലത്ത്​ പല ദുരിതപ്രദേശങ്ങളിലും സഹായത്തിനായി പാഞ്ഞെത്തിയ വാഹനങ്ങളായിരുന്നു ഇവയിൽ മിക്കതും. വാഹനങ്ങൾ പിടിച്ചെടുക്കുന്നതിനെതിരെ സേവ്​ മോഡിഫിക്കേഷൻ എന്ന കാമ്പയിൻ നടത്തിയാണ്​ പ്രതിരോധിച്ചത്​. സോഷ്യൽമീഡിയ വഴിയും തെരുവിലിറങ്ങിയും ന്യൂജെൻ മച്ചാന്മാർ കട്ടസപ്പോർട്ടുമായെത്തി. എന്നാൽ, അറസ്​റ്റ്​ ചെയ്​തും വാഹനങ്ങൾ പിടിച്ചെടുത്തും​ അധികൃതർ കാമ്പയിനിനെ അടിച്ചൊതുക്കി. കൂട്ടിവെച്ച കാശ്​ കൊണ്ട് ആറ്റുനോറ്റ്​​ വാങ്ങിയ വണ്ടി കൊണ്ടുപോകരുതെന്നാണ്​ ഇവർക്ക് ഇപ്പോഴും​ പൊന്നുസാറന്മാരോട്​ അപേക്ഷിക്കാനുള്ളത്​.