കുട്ടികളുടെ യാത്രകളും സുരക്ഷിതമാവേ​ണ്ടേ...

മറ്റെന്തിനെക്കാളും സുരക്ഷക്കാണ്​ ന്യൂജെൻ വാഹനങ്ങൾ മുൻഗണന നൽകുന്നത്​. എയർബാഗും, എ.ബി.എസ്​, ഇ.ബി.ഡി തുടങ്ങി പരാമവധി സു​രക്ഷസംവിധാനങ്ങൾ കാറുകളിൽ ഒരുക്കാൻ വാഹനനിർമാതക്കൾ ശ്രദ്ധിക്കാറുണ്ട്​. ഇപ്പോൾ കുട്ടികളുടെ സുരക്ഷയുടെ കാര്യത്തിൽ നിർണായകമായ ചുവടുവെപ്പ്​ നടത്തിയിരിക്കുകയാണ്​ യു.കെയിലെ ഒരു സീറ്റ്​ നിർമാതാക്കൾ. എയർബാഗോടു കൂടിയ ചൈൽഡ്​ സീറ്റ്​ പുറത്തിറക്കിയാണ്​ കമ്പനി കുട്ടികളുടെ സുരക്ഷക്ക ഉറപ്പാക്കാനൊരുങ്ങുന്നത്​.

കാർ സീറ്റ്​ നിർമാണത്തിൽ വിദഗ്​ധരായ മാക്​സ്​ കോസിയാണ്​ എയർബാഗോട്​ കൂടിയ ചൈൽഡ്​ സീറ്റ്​ പുറത്തിറക്കിയിരിക്കുന്നത്​. രണ്ട്​ എയർബാഗുകളാണ്​ ഇതിലുണ്ടാവുക. വാഹനം ഇടിക്കു​േമ്പാൾ കുട്ടികൾക്ക്​ അധിക സുരക്ഷ നൽകാൻ പുതിയ സീറ്റിന്​ സാധിക്കുമെന്നാണ്​ കമ്പനിയുടെ അവകാശവാദം.

മൊബൈൽ എയർബാഗ്​ നിർമാണ കമ്പനിയായ ഹെലിറ്റുമായി സഹകരിച്ചാണ്​ മാക്​സ്​ കോസി സീറ്റ്​ വികസിപ്പിച്ചിരിക്കുന്നത്​. രണ്ടടി മുതൽ മൂന്നടി വരെ ഉയരമുള്ള കുട്ടികൾക്കാണ്​ എയർബാഗോട്​ കൂടിയ സീറ്റ്​ ഏറ്റവും അനു​േ​യാജ്യം. കുട്ടിയുടെ കഴുത്തിന്​ മികച്ച സുരക്ഷ എയർബാഗ്​ നൽകും. യു.കെയിൽ മാത്രമാണ്​ ആദ്യഘട്ടത്തിൽ കുട്ടികൾക്കായുള്ള എയർബാഗോട്​ കൂടിയ സീറ്റ്​ വിപണിയിലെത്തുക​. ഏകദേശം 51,000 രൂപയാണ്​ വില.