99 ഹെയർപിന്നുകൾ 9.51 മിനിറ്റിൽ പിന്നിട്ട്​ ഫെരാരിയെ തകർത്ത്​ റേഞ്ച്​ റോവർ

21:57 PM
04/04/2018
range-rower

99 ഹെയർപിൻ വളവുകൾ പിന്നിട്ടാൽ എത്തുന്ന ഭൂമിയിലെ സ്വർഗങ്ങളിലൊന്നാണ്​ ടിയാൻമെൻ പവർവതം. ഇൗ 99 ഹെയർപിൻ വളവുകൾ അതിവേഗത്തിൽ പിന്നിട്ട്​ ഫെരാരി മുമ്പ്​ റെക്കോർഡിട്ടിരു​ന്നു. ഫെരാരിയുടെ ഇൗ റെക്കോർഡ്​ മറികടന്നിരിക്കുകയാണ്​ റേഞ്ച്​ റോവർ. 9.51 മിനിട്ടിൽ ഒാടിതീർത്താണ്​ റേഞ്ച്​ റോവർ പുതിയ റെക്കോർഡിട്ടിരിക്കുന്നത്​.

ഫെരാരി 458 ഇറ്റാലിയയുടെ റെക്കോർഡാണ്​ റേഞ്ച്​ റോവർ മറികടന്നത്​. ചെറിയ ഒരു പിഴവ്​ പോലും വൻ ദുരന്തത്തിന്​ കാരണമായേക്കാവുന്ന അപകടകരമായ പാതയിലുടെയായിരുന്നു റേഞ്ച്​ റോവറി​​െൻറ പ്രയാണം. നേരത്തെ 999 പടികളിൽ വാഹനം ഒാടിച്ചുകയറ്റി റേഞ്ച്​ റോവർ ആരാധകരെ അമ്പരപ്പിച്ചിരുന്നു. അന്ന്​ വണ്ടിയോടിച്ച ഹോ പിൻ തുങ്​ തന്നെയാണ്​ ഇത്തവണയും റേഞ്ച്​ റോവറി​​െൻറ സാരഥി. 68.8 കിലോ മീറ്ററാണ് യാത്രയിലെ​ റേഞ്ച്​ റോവറി​​െൻറ ശരാശരി വേഗം.

Range-rower-sport-drive

റേഞ്ച്​ റോവർ സ്​പോർട്​സി​​െൻറ എസ്​.വി ആർ വകഭേദമാണ്​ ഡ്രൈവിനായി ഉപയോഗിച്ചത്​. വി 8 സൂപ്പർ ചാർജ്​ഡ്​ എൻജിൻ ഉപയോഗിക്കുന്ന വാഹനത്തി​​െൻറ കരുത്ത്​ 575 പി.എസാണ്​. പൂജ്യത്തിൽ നിന്ന്​ 100 കിലോമീറ്റർ വേഗത കൈവരിക്കാൻ 4.5 സെക്കൻറ്​ ​മാത്രം മതി. ഉയർന്ന വേഗം മണിക്കൂറിൽ 280 കിലോമീറ്ററാണ്​.

COMMENTS