സ്വയം സഞ്ചരിക്കുന്ന കാറുമായി യൂബർ സാൻഫ്രാൻസിസ്​കോയിൽ

ന്യൂയോർക്ക്​: പ്രമുഖ ടാക്​സി സേവനദാതാക്കളായ   യൂബർ  സ്വയം സഞ്ചരിക്കുന്ന കാർ അമേരിക്കയിലെ സാൻഫ്രാൻസിസ്​കോയിൽഅവതരിപ്പിക്കാനൊരുങ്ങുന്നു. പീറ്റസ്​ബർഗിലാണ്​ ആദ്യമായി ഇൗ സംവിധാനം കമ്പനി അവതരിപ്പിച്ചത്​. ഇതിന്​ പിന്നാലെയാണ്​ കാർ സാൻഫ്രാൻസിസ്​കോയിലേക്കും വ്യാപിപ്പിക്കാൻ യൂബർ ഒരുങ്ങുന്നത്​.

കഴിഞ്ഞ ഒന്നര വർഷമായി സ്വയം സഞ്ചരിക്കുന്ന കാറിനായുള്ള പരീക്ഷണങ്ങൾ യൂബർ പിറ്റ്​സ്​ബർഗിൽ നടത്തുകയാണ്​. ഇതി​െൻറ തുടർച്ചയായാണ്​ പുതിയ കാർ സാൻഫ്രാൻസിസ്​കോയിൽ അവതരിപ്പിക്കാൻ യൂബർ തീരുമാനിച്ചിരിക്കുന്നത്​. ഇതിനായി ​വോ​ൾവോയുമായി യൂബർ ധാരണയിലെത്തി കഴിഞ്ഞു. ​വോൾവോ എക്​സ്​ സി90 ആയിരിക്കും സാൻഫ്രാൻസിസ്​കോയിൽ യൂബർ ടാക്​സി സേവനത്തിനായി  ഉപയോഗിക്കുക.

സ്വയം സഞ്ചരിക്കുന്ന കാറുകൾ വാഹന ലോകത്തെ പുതിയ ട്രെൻഡ്​ ആണ്​. ഗൂഗിളും ഇല്​​ട്രോണിക്​ വാഹന നിർമാതാക്കളായ ടെസ്​ലയും  സ്വയം സഞ്ചരിക്ക​ുന്ന കാറുകൾ അവതരിപ്പിച്ചിരുന്നു.