Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightHot Wheelschevron_rightAuto Newschevron_rightസൈന്യത്തിൽ ഇനി...

സൈന്യത്തിൽ ഇനി ജിപ്സിയുണ്ടാവില്ല; പകരം സഫാരി

text_fields
bookmark_border
സൈന്യത്തിൽ ഇനി ജിപ്സിയുണ്ടാവില്ല; പകരം സഫാരി
cancel

 

ന്യൂഡൽഹി: 25 വർഷക്കാലം ഇന്ത്യൻ സൈന്യത്തി​െൻറ ഭാഗമായിരുന്ന മാരുതി ജിപ്സി സേനയോട് വിടപറയുന്നു. ജിപ്സിക്ക്​ പകരം ടാറ്റ സഫാരി ​സ്​റ്റോമാവും സൈന്യത്തിന്​ കൂട്ടായെത്തുക. ഇതിനായി എതാണ്ട്​ 3,000ത്തോളം സഫാരികൾ സൈന്യം ബുക്ക്​ ചെയ്​തതായാണ്​ റിപ്പോർട്ടുകൾ.

സൈന്യം നടത്തിയ വാഹനലേലത്തിൽ ടാറ്റ മോ​േട്ടാഴ്​സിനൊപ്പം മഹീന്ദ്രയാണ്​ പ​െങ്കടുത്തത്​. മഹീന്ദ്രയുടെ സ്​കോർപ്പിയോ ആണ്​ സൈന്യം പരിഗണിച്ചിരുന്ന മറ്റൊരു വാഹനം​. സൈന്യത്തി​െൻറ പരിശോധനയിൽ ഇരുവാഹനങ്ങളും മികച്ചതാണെന്ന്​ തെളിഞ്ഞിരുന്നു. 

ചർച്ചകൾക്കൊടുവിൽ സഫാരിയെ തെരഞ്ഞെടുക്കാൻ അന്തിമ തീരുമാനമെടുക്കുകയായിരുന്നു എന്നാണ്​ റിപ്പോർട്ടുകൾ. ഇന്ത്യൻ സൈന്യവുമായി കരാറുള്ള രണ്ടാമത്തെ വലിയ കമ്പനിയാണ്​ ടാറ്റ മോ​േട്ടാഴ്​സ്​. ട്രക്കുകൾ ഉൾപ്പടെ വിതരണം ചെയ്യുന്നതിനായി 1300 കോടി രൂപയുടെ കരാറാണ്​ സൈന്യവും ടാറ്റയും തമ്മിൽ നിലവിലുള്ളത്​.

1991ലാണ്​ ഇന്ത്യൻ ആർമി ജിപ്​സിയെ തങ്ങളുടെ വാഹന നിരയിലേക്ക്​ കൊണ്ട്​ വരുന്നുത്​. മികച്ച ഇന്ധനക്ഷമതയും എത്​ പ്രതലത്തിലും അനായാസം സഞ്ചരിക്കാനുള്ള കഴിവുമാണ്​ ജിപ്​സിയെ സൈന്യത്തിന്​ പ്രിയങ്കരമാക്കി മാറ്റിയത്​. സഫാരിയും കരുത്തിലും ഫീച്ചേഴ്​സിലും മികച്ചു​ നിൽക്കുന്നതാണ്​. 2.2 ലിറ്ററി​െൻറ ഫോർ സിലിണ്ടർ എഞ്ചിനാണ്​ വാഹനത്തി​െൻറ ഹൃദയം. ഇത്​ 154bhp പവറും 400nm ടോർക്കും ഉൽപ്പാദിപ്പിക്കും. ആറ്​ സ്​പീഡ്​ ഗിയർബോക്​സാണ്​ സഫാരിക്ക്​.2 വിൽ ഡ്രൈവിലും 4 വീൽ ഡ്രൈവിൽ വാഹനം ലഭ്യമാകും. എല്ലാ പ്രതലത്തിലും അനായാസാമായി സൈനികരെയും വഹിച്ച്​ കൊണ്ട്​ നീങ്ങാൻ ​സഫാരിക്കാകും. എന്നാൽ ഈ വാർത്തയോട് പ്രതികരിക്കാൻ ടാറ്റ തയ്യാറായിട്ടില്ല. സൈന്യത്തിനായി സഫാരിയിൽ എന്തങ്കിലുമൊക്കെ മാറ്റങ്ങൾ ടാറ്റ വരുത്തുമോയെന്നും അറിവായിട്ടില്ല.

എകദേശം 30,000 ജിപ്​സികളാണ്​ ഇപ്പോൾ നിലവിൽ സൈന്യത്തി​െൻറ കൈവശമുള്ളത്​. ഇത്​ ആർമി ഒഴിവാക്കുന്നതോടു കൂടി സിവിലിയൻസിന്​ മാത്രമായി മാരുതി ജിപ്​സിയുടെ നിർമ്മാണം നടത്തുമോ എന്നതാണ്​ ഉയർന്ന്​ വരുന്ന മറ്റൊരു ചോദ്യം. ഇപ്പോൾ ഒാർഡറനുസരിച്ച്​ ജിപ്​സി ഉപഭോക്​താകൾക്കായി മാരുതി നിർമ്മിച്ച്​ നൽകുന്നുണ്ട്​. ജിപ്​സിയുടെ നിർമ്മാണം നിർത്താനാ​ണ്​ മാരുതിയുടെ തീരുമാനമെങ്കിൽ ആദ്യകാല എസ്​.യു.വികളിൽ പ്രമുഖമായി ഒന്നാണ്​ വിസ്​മൃതിയിലേക്ക്​ മറയുക.

Show Full Article
TAGS:Tata Safari Storme Gypsy 
Web Title - Tata Safari Storme Replaces Old Favourite Gypsy As The Indian Army Workhorse
Next Story