ഇ സൈക്കിളുമായി സൽമാൻ ഖാൻ

മുംബൈ: ബോളിവുഡ്​ സൂപ്പർ താരം സൽമാൻ ഖാ​​െൻറ ഉടമസ്ഥതയിലുള്ള  ബീയിങ്​ ഹ്യൂമൻ കമ്പനി ഇ സൈക്കിളുകൾ വിപണിയിലവതരിപ്പിച്ചു. ബി.ച്ച്​ 27, ബി.എച്ച്​ 12 എന്നീ രണ്ട്​ വേരിയൻറുകളാണ്​ കമ്പനി അവതരിപ്പിച്ചിരിക്കുന്നത്​. തൂവെള്ള, മഞ്ഞ, ചുവപ്പ്​, ബ്ലാക്ക്​ എന്നിങ്ങനെ നാല്​ നിറങ്ങളിൽ പുതിയ ​ഇ-സൈക്കിളുകൾ വിപണിയിലെത്തും. സാധാരണ സൈക്കിളുകളെ പോലെ തന്നെയാണ്​ ഇ-സൈക്കിളുകളുടെ രൂപകൽപന. മണിക്കൂറിൽ 25 കിലോ മീറ്ററാണ്​ പരമാവധി വേഗം. 39,990 മുതൽ 57,190 രൂപ വരെയാണ്​ ബീയിങ്​ ഹ്യൂമൻ ശ്രേണിയിലെ ഇ സൈക്കിളുകളുടെ വില.

ബട്ടൻ അമർത്തി പ്രവർത്തിപ്പിക്കാവുന്ന പ്രൊപ്പൽഷൻ സംവിധാനമുള്ള സൈക്കിളുകൾക്ക്​ ബാറ്ററി പാക്ക്​ കരുത്ത്​ പകരും. കുത്തനെയുള്ള കയറ്റങ്ങൾ എളുപ്പത്തിൽ കയറാവുന്ന തരത്തിലാണ്​ ഇ സൈക്കിളി​​െൻറ രൂപകൽപ്പന. എല്ലാക്കാലത്തും താൻ സൈക്ലിങ്​ ആസ്വദിച്ചിരിന്നു. എന്നാൽ കഠിനാധ്വാനം പരിഗണിച്ച്​ ദീർഘദൂര യാത്രകളിൽ പലരും സൈക്കിളിനെ ഉപക്ഷേിക്കുകയാണ്​ പതിവ്​. ബീയിങ്​ ഹ്യൂമൻ സൈക്കിളുകൾ ഇൗ പരിമിതികളെ അതിജീവിക്കുമെന്നാണ്​ പ്രതീക്ഷയെന്നും സൽമാൻ പറഞ്ഞു.

ഇന്ത്യയി​ലെ പ്രമുഖ ഇരുചക്ര വാഹന നിർമാതാക്കളായ സുസുക്കിയുടെ മുൻ വൈസ്​ പ്രസിഡൻറ്​ അതുൽ ഗുപ്​തയാണ്​ ബീയിങ്​ ഹ്യൂമൻ ഇ സൈക്കിളുകളുടെ തലപ്പത്ത്​. മുംബൈ വിപണിയിലാണ്​​ ആദ്യഘട്ടത്തിൽ സൽമാൻ ഖാ​​െൻറ സൈക്കിളുകൾ എത്തുക. വൈകാതെ തന്നെ രാജ്യ​ത്തി​​െൻറ മറ്റ്​ വിപണികളിലും ഇവ  എത്തിക്കാനുള്ള ശ്രമത്തിലാണ്​ ബീയിങ്​ ഹ്യൂമൻ.