ആരും കൊതിക്കും ആർ.എക്സ് 100
text_fields
ഇന്ത്യൻ യുവത്വം നെഞ്ചേറ്റിയ ഇരുചക്രവാഹനങ്ങൾ നിരവധിയാണ്. ബുള്ളറ്റിൽ തുടങ്ങി സ്പ്ലെൻഡർ വരെ നീളും ഇൗ പട്ടിക. പക്ഷേ വിപണിയിൽ നിന്ന് പിൻവാങ്ങിയിട്ടും യുവാക്കൾ ഇത്രത്തോളം പ്രണയിച്ച മറ്റൊരു മോഡലുണ്ടാകില്ല. കാലമേറെ കഴിഞ്ഞിട്ടും സെക്കൻഹാൻഡ് വിപണിയിലുൾപ്പടെ താരമാണ് യമഹയുടെ ആർ.എക്സ് 100.
ചെറിയ എൻജിൻ കരുത്തിലോടുന്ന ബൈക്കുകളുടെ സാധ്യത മനസിലാക്കി 90കളിലാണ് യമഹ ആർ.എക്സ് 100 വിപണിയിലിറക്കുന്നത്. ജപ്പാനിൽ നിന്ന് ഇറക്കുമതി ചെയ്ത് അസംബിൾ ചെയ്യുകയായിരുന്നു ആർ.എക്സ് 100. 98 സി.സി ടു സ്ട്രോക്ക് സിംഗിൾ സിലിണ്ടർ എൻജിനാണ് ആർ.എക്സ് 100ന് ഉണ്ടായിരുന്നത്.
കുറച്ച് ദിവസങ്ങളായി സാമൂഹിക മാധ്യമങ്ങളിൽ തരംഗമാവുന്നത് ആർ.എക്സ് 100െൻറ പുതിയ ചിത്രങ്ങൾ. യമഹ ബൈക്കിനെ വീണ്ടും പുറത്തിറക്കുന്നു എന്ന രീതിയിലാണ് ചിത്രങ്ങൾ പ്രചരിക്കുന്നത്. എന്നാൽ, പിന്നീട് തെലുങ്കാനയിലുള്ള ബൈക്ക് മോഡിഫിക്കേഷൻ സ്ഥാപനമാണ് ആർ.എക്സ് 100നെ ന്യൂ ജെൻ ലുക്കിലേക്ക് മാറ്റിയതെന്ന് വ്യക്തമായി. ആർ.എക്സ് 100ൽ പുതിയ ഹെഡ്ലൈറ്റും ഡേ ടൈം റണ്ണിങ് ലൈറ്റുകളും സ്ഥാപനം കൂടിച്ചേർത്ത് ബൈക്കിനെ മാറ്റിയെടുക്കുകയായിരു. ഏകദേശം 55,000 രൂപ മുടക്കിയാണ് ആർ.എക്സ് 100നെ മാറ്റിയെടുത്തത്.