മാറ്റങ്ങളുമായി പുതിയ എർട്ടിഗയെത്തുന്നു

എം.പി.വി ശ്രേണിയിലെ മാരുതിയുടെ തുറുപ്പ്​ ചീട്ടാണ്​ എർട്ടിഗ എന്ന മോഡൽ. എം.പി.വി വിപണിയിൽ താരങ്ങൾ ഏറെയുണ്ടായിട്ടും തരക്കേടില്ലാത്ത വിൽപന എർട്ടിഗക്കുണ്ട്​. എന്നാൽ 2012ൽ പുറത്തിറങ്ങിയ എർട്ടിഗയുടെ രൂപം പഴഞ്ചനാണെന്ന്​ മാരുതിക്ക്​ തോന്നാൻ തുടങ്ങിയിരിക്കുന്നു. ഇൗ പഴഞ്ചൻ രൂപത്തിൽ നിന്ന്​ മാറി അടിമുടി ന്യൂ ജെൻ ലുക്കിലേക്ക്​ മാറാനുള്ള ഒരുക്കത്തിലാണ്​ എർട്ടിഗ. മാരുതിയുടെ പുതിയ സെവൻ സീറ്റർ എസ്​.യു.വിയുടെ ചിത്രങ്ങൾ ഇതിനകം പുറത്ത്​ വന്നു കഴിഞ്ഞു. ഇൗ എസ്​.യു.വി എർട്ടിഗയാണെന്നാണ്​ വാർത്തകൾ.

2018ലാവും പരിഷ്​കരിച്ച എർട്ടിഗ വിപണിയിലേക്ക്​ എത്തുക. ലൈറ്റ്​ വെയ്​റ്റ്​ പ്ലാറ്റ്​ഫോമിലാവും രൂപകൽപ്പന. ഇത്​ കൂടുതൽ ഇന്ധനക്ഷമത കാറിന്​ നൽകും. മുൻ മോഡലുമായി താരത്മ്യം ചെയ്യു​േമ്പാൾ നീളക്കുടതലുണ്ടാവും. എന്നാൽ, മറ്റ്​ മാറ്റങ്ങളെ കുറിച്ച്​ റിപ്പോർട്ടുകളൊന്നും പുറത്ത്​ വന്നിട്ടില്ല. ഗ്രേറ്റർ നോയിഡയിലെ എക്​സ്​പ്രസ്​ ഹൈവേയിൽ കാർ ടെസ്​റ്റ്​ ഡ്രൈവ്​ ചെയ്യുന്നതി​​െൻറ ചിത്രങ്ങളാണ്​ നിലവിൽ ഒാ​േട്ടാമൊബൈൽ വെബ്​സൈറ്റുകൾ പുറത്ത്​ വിട്ടിരിക്കുന്നത്​.

1.3 ലിറ്റർ മൾട്ടി–ജെറ്റ്​ ഡീസൽ എൻജിനും 1.4 ലിറ്റർ കെ സിരീസ്​ പെട്രോൾ എൻജിനിലുമാവും പുതിയ എർട്ടിഗ വിപണിയിലെത്തുക. 1.5 ലിറ്റർ എൻജിനും കാറിലുണ്ടാവുമെന്ന്​ റിപ്പോർട്ടുകളുണ്ട്​.