വിപണിപ്പിടിക്കാൻ നാല്​ ഡോർ കുപേയുമായി മെഴ്​സിഡെസ്​

വാഹനലോകം ഏറെ പ്രതീക്ഷയോടെ കാത്തിരുന്ന മെഴ്​സിഡെസി​​െൻറ ​നാല്​ ഡോറുള്ള കുപേ മോഡൽ അവതരിപ്പിച്ചു. ജനീവയിൽ നടന്ന മോ​േട്ടാർ ഷോയിലാണ്​ പുതിയ കാറി​​െൻറ അരങ്ങേറ്റം. മെഴ്​സിഡെസ്​ എ.എം.ജി ജി.ടിയാണ്​ നാല്​ ഡോർ കുപേയിൽ എത്തുക. ടു ഡോർ സ്​പോർട്​സ്​ കാറിൽ നിന്നുള്ള പെർഫോമൻസ്​ കൂടുതൽ സൗകര്യപ്രദമായ നാല്​ ഡോർ വാഹനത്തിൽ നിന്ന്​ നൽകുക എന്ന ലക്ഷ്യം വെച്ചാണ്​ ബെൻസ്​ പുതിയ കാറിനെ അണിയിച്ചൊരുക്കിയിരിക്കുന്നത്​. പോർഷയുടെ പനാമരയുമായിട്ടാണ്​ എ.എം.ജി ജി.ടിക്ക്​ സാമ്യം.

രണ്ട്​ എൻജിൻ ഒാപ്​ഷനുകളിൽ പുതിയ കാർ വിപണിയിലെത്തും. 4 ലിറ്റർ V8 പെട്രോൾ എൻജിനാണ്​ ഇതിലൊന്ന്​. 630 ബി.എച്ച്​.പി കരുത്തും 900 എൻ.എം ടോർക്കും എൻജിൻ നൽകും. 0-100 കിലോ മീറ്റർ വേഗത കൈവരിക്കാൻ 3.2 സെക്കൻഡ്​ മതിയാകും. മണിക്കുറിൽ 315 കിലോ മീറ്ററാണ്​ പരമാവധി വേഗത. 3 ലിറ്റർ ടർബോ ചാർജഡ്​ സിക്​സ്​ സിലിണ്ടർ എൻജിനാണ്​ മറ്റൊന്ന്​. 429 ബി.എച്ച്​.പി കരുത്തും 517 എൻ.എം ടോർക്കും എൻജിൻ നൽകും. 0-100 കിലോ മീറ്റർ വേഗത കൈവരിക്കാൻ 4.5 സെക്കൻഡ്​ സമയം മതി. മണിക്കൂറിൽ 285 കിലോ മീറ്ററാണ്​ പരമാവധി വേഗത.

സ്​പോർട്​സ്​ കാറിന്​ വേണ്ട ഘടകങ്ങളെല്ലാം കൂട്ടിയിണക്കിയാണ്​ ബെൻസ്​ കാറി​​െൻറ എക്​സ്​റ്റീരിയർ രൂപകൽപ്പന ചെയ്​തിരിക്കുന്നത്​. ആഡംബരം ഒട്ടും കുറക്കാതെയാണ്​ ഇൻറീരിയറി​​െൻറ രൂപകൽപന. അഞ്ച്​, നാല്​ സീറ്റ്​ ഒാപ്​ഷനുകളിൽ കാർ ഉപയോക്​താകൾക്ക്​ ലഭ്യമാവും.