ബ്രസയെ കാർ ഒാഫ് ദ ഇയറായി തെരഞ്ഞെടുത്തു
text_fieldsമുംബൈ: മാരുതിയുടെ വിറ്റാര ബ്രസയെ 2016ലെ മികച്ച കാറായി തെരഞ്ഞെടുത്തു. 15 ഒാേട്ടാ മൊബൈൽ ജേണലിസ്റ്റുകളടങ്ങുന്ന സംഘടനയാണ് ബ്രസയെ കാർ ഒാഫ് ദ ഇയറായി തെരഞ്ഞെടുത്തത്. 2016 മാർച്ചിൽ വിപണിയിൽ പുറത്തിറങ്ങിയ ശേഷം ബ്രസയുടെ 83,000 യൂണിറ്റുകളാണ് വിറ്റഴിച്ചത്. യൂട്ടിലിറ്റി വിഭാഗത്തിൽ മികച്ച പ്രതികരണമാണ് വിപണിയിൽ നിന്ന് ബ്രസക്ക് ലഭിച്ചത്.
ഇന്നോവ ക്രിസ്റ്റയോടും ഹ്യൂണ്ടായി ട്യൂസണോടുമാണ് ബ്രസ ഒന്നാം സ്ഥാനത്തിനായി മൽസരിച്ചത്. മാരുതിയുടെ എഞ്ചിനയർമാർ തനതായ പ്ലാറ്റ്ഫോമിൽ ഡിസൈൻ ചെയ്ത കാറാണ് ബ്രസയെന്ന് മാരുതി സുസുക്കി മാനേജിങ് ഡയറക്ടർ കെനുച്ചി അയക്കാവ പറഞ്ഞു. ഇന്ത്യൻ വിപണിയെ കൂടി പരിഗണിച്ച് നിർമ്മിച്ച കാറാണ് ബ്രസയെന്നും അദ്ദേഹം കൂട്ടിച്ചേർത്തു.
ഇൗ വർഷം പുറത്തിറങ്ങിയതിൽ കാറുകളിൽ ആദ്യ പത്തിൽ ഇടം പിടിച്ചതിൽ മാരുതിയുടെ പല മോഡലുകളും ഉൾപ്പെട്ടിരുന്നു. അത് പോലെ തന്നെ ഹാച്ച് ബാക്കുകൾക്കും, സെഡാനുകൾക്കും പകരം മൾട്ടി യൂട്ടിലിറ്റി വാഹനങ്ങളാണ് ഇത്തവണ പ്രധാനമായും മൽസര രംഗത്ത് ഉണ്ടായിരുന്നതെന്ന് പ്രത്യേകതയുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.