ബ്രേക്​ തകരാർ; 52,000 യൂണിറ്റ്​ സ്വിഫ്​റ്റും ബലേനോയും പരിശോധിക്കും

15:08 PM
08/05/2018
Maruti Swift

ന്യൂഡൽഹി: ഇന്ത്യയിലെ ഏറ്റവും വലിയ കാർനിർമാതാക്കളായ മാരുതി സുസുക്കി അവരുടെ  ജന​പ്രിയ​ മോഡലുകളായ സ്വിഫ്​റ്റും ബലേനോയും പരിശോധിക്കാനൊരുങ്ങുന്നു. 2017 ഡിസംബർ ഒന്നിനും 2018 മാർച്ച്​ 18നുമിടയിൽ നിർമിച്ച മോഡലുകൾക്ക്​ ബ്രേക്ക്​ സിസ്റ്റത്തിൽ തകരാർ ഉള്ളതിനാലാണ്​ ഉടമകളോട്​​​ സർവീസിനെത്തിക്കാൻ ആവശ്യപ്പെട്ടിരിക്കുന്നത്​. 

Image result for baleno

ബ്രേക്കി​​​​​െൻറ വാക്വം ഹോസിലുള്ള തകരാർ പരിഹരിക്കാനായാണ്​ മാരുതിയുടെ പുതിയ നീക്കം.  ലോകവ്യാപകമായി ഒരു സർവീസ്​ പ്രചാരണത്തിന്​ തുടക്കമിടാനൊരുങ്ങുകയാണ്​ കമ്പനി. ഇൗ വർഷം ഫെബ്രുവരിയിൽ അവതരിപ്പിച്ച 44,982ഒാളം പുതിയ മോഡൽ സ്വിഫ്​റ്റും 7704 ബലേനോയുമാണ്​ പരിശോധിക്കുക.. 

ഒരു റബ്ബർ പൈപ്പാണ്​ ബ്രേക്​ വാക്വം ഹോസ്​. ബ്രേക്​ ചവിട്ടു​േമ്പാൾ ഇത്​ വലുതാവുകയും ചെറുതാവുകയും ചെയ്യും. ഇതിലുള്ള തകരാറാണ്​ പരിഹരിക്കേണ്ടത്​. എന്നാൽ ഇത്​ സുരക്ഷയെ ബാധിക്കില്ലെന്നും അതിനാൽ വണ്ടികൾ തിരിച്ചുവിളിക്കേണ്ട സാഹചര്യമില്ലെന്നും​ മാരുതി അറിയിച്ചു. 

COMMENTS