കോടിയേരി സഞ്ചരിച്ച ആ കാർ ചില്ലറക്കാരനല്ല

ബി.എം.ഡബ്​ളിയുവി​​െൻറ ഉടമസ്ഥതയിലുള്ള മിനിയുടെ കൺവേർട്ടബിൾ  മോഡലാണ്​ ഇപ്പോൾ​ കേരളത്തിൽ പുതിയ  രാഷ്​ട്രീയ വിവാദത്തിന്​ തുടക്കമിട്ടിരിക്കുന്നത്​​. സി.പി.എം സംസ്ഥാന സെക്രട്ടറി കോടിയേരി ബാലകൃഷ്​ണൻ ജനജാഗ്രത യാത്രക്കിടെ  44 ലക്ഷം രൂപ വിലയുള്ള ഇൗ  കാറിൽ സഞ്ചരിച്ചതാണ്​ വിവാദത്തിന്​ കാരണം.

ജനജാഗ്രത യാത്രയുടെ കൊടുവള്ളിയിലെ സ്വീകരണത്തിനിടെയായിരുന്നു കോടിയേരിയുടെ ആഡംബര കാറിലെ സഞ്ചാരം. സ്വർണ്ണ കടത്ത്​ കേസിലെ പ്രതിയു​ടേതാ​ണ്​ കാറെന്ന്​ ആരോപണങ്ങൾ ഉയർന്നതോടെ വിവാദം അതി​​െൻറ പാരമ്യത്തിലെത്തിയിരിക്കുകയാണ്​. എതായാലും കോടിയേരി സഞ്ചരിച്ച മിനി കൂപ്പർ കൺവെർട്ടബിൾ ആളത്ര ചില്ലറക്കാരനല്ല. 

ആഡംബര സൗകര്യത്തിനും മികവിനും ഒരുപോലെ പ്രാധാന്യം നൽകി മിനി പുറത്തിറക്കിയ വാഹനമാണിത്​. ​ഇതി​​െൻറ പുതിയ മോഡൽ മിനി ഇന്ത്യൻ വിപണിയിൽ അവതരിപ്പിച്ചിരുന്നു.

 2 ലിറ്റർ നാല്​ സിലിണ്ടർ  എൻജിൻ ഉപയോഗിക്കുന്ന മിനി 192 ബി.എച്ച്​.പി കരുത്ത്​ നൽകും. 280 എൻ.എം ടോർക്കും ഉൽപാദിപ്പിക്കും. ആറ്​ സ്​പീഡ്​ ഗിയർബോക്​സ്​. പൂജ്യത്തിൽ നിന്ന്​ 100 കിലോമീറ്റർ വേഗതയിലെത്തിയാൻ 7.1 സെക്കൻറ്​ മാത്രം മതി.