പ്രീമിയം നിലവാരത്തിൽ ഇൻറീരിയർ; തരംഗമാവാൻ കിയ എസ്​.യു.വി

18:07 PM
24/05/2019
kia-suv

കിയോ മോ​ട്ടോഴ്​സ്​ ഇന്ത്യയിൽ പുറത്തിറക്കുന്ന ആദ്യ എസ്​.യു.വിയുടെ ചിത്രങ്ങൾ പുറത്ത്​ വിട്ടു. എക്​സ്​റ്റീരിയർ ചിത്രങ്ങൾ പുറത്ത്​ വന്നതിന്​ പിന്നാലെയാണ്​ ഇൻറീരിയർ സ്​കെച്ചുകളും കിയ പുറത്ത്​ വിടുന്നത്​. ജൂൺ 20നാണ്​  കിയ എസ്​.യു.വി പുറത്തിറക്കുക. അടുത്ത ഉൽസവകാലത്തിന്​ മുന്നോടിയായി വാഹനം ഷോറൂമുകളിലെത്തുമെന്നാണ്​ പ്രതീക്ഷിക്കുന്നത്​.

പ്രീമിയം നിലവാരത്തിലാണ്​ കിയ എസ്​.യു.വിയുടെ ഇൻറീരിയർ അണിയിച്ചൊരുക്കിയിരിക്കുന്നത്​. ഡ്യുവൽ ടോൺ നിറത്തിലുള്ള ഇൻറീരിയറിൽ വുഡ്​ ഇൻസേർട്ടുകളും അലുമിനിയം ഘടകങ്ങളുമെല്ലാം ഉൾപ്പെടുത്തിയിട്ടുണ്ട്​. ഒറ്റനോട്ടത്തിൽ തന്നെ  വാഹനത്തിൻെറ പ്രീമിയം നിലവാരം മനസിലാക്കാൻ സഹായകമാണ്​ ഇൻറീരിയർ. സ​െൻറർ കൺസോളിലെ യാത്രികർക്കുള്ള ഗ്രാബ്​ ബാറാണ്​ മറ്റൊരു പ്രത്യേകത.

kia-34

എന്നാൽ, കാറിൻെറ പ്രധാന സവിശേഷത 10.25 ഇഞ്ച്​ ടച്ച്​ സ്​ക്രീൻ ഇൻഫോടെയിൻമ​െൻറ്​ സിസ്​റ്റമാണ്​. ആപ്പിൾ കാർപ്ലേ, ആൻഡ്രോയിഡ്​ ഓ​േട്ടാ എന്നീ സംവിധാനങ്ങളോട്​ കൂടിയതാണ്​ ഇൻഫോടെയിൻമ​െൻറ്​ സിസ്​റ്റം. ഓ​ട്ടോമാറ്റിക്​ ക്ലൈമറ്റ്​ കൺട്രോൾ, കിയയുടെ സൗണ്ട്​ മൂഡ്​ ലൈറ്റിങ്​ ടെക്​നോളജി എന്നിവയും പുതിയ എസ്​.യു.വിയിൽ ഉൾക്കൊള്ളിച്ചിട്ടുണ്ട്​. 

വാഹനത്തിൻെറ എക്​സ്​റ്റീരിയർ ചിത്രങ്ങൾ നേരത്തെ ത​ന്നെ പുറത്ത്​ വന്നിരുന്നു. കടുവയുടെ മൂക്കിനോട്​ സാദൃശ്യം തോന്നുന്ന ഗ്രില്ലാണ്​ കിയ എസ്​.യു.വിക്ക്​ നൽകിയിരിക്കുന്നത്​. എസ്​.യു.വിക്ക്​ യോജിക്കുന്ന വിധം ബോൾഡായാണ്​ കാറിനെ ഡിസൈൻ ചെയ്​തിരിക്കുന്നത്​. 1.5 ലിറ്റർ ഡീസൽ എൻജിൻ, 1.6 ലിറ്റർ പെട്രോൾ എൻജിൻ കരുത്തിൽ കിയയുടെ പുതിയ എസ്​.യു.വി വിപണിയിലെത്തും. 10 മുതൽ 15 ലക്ഷം വരെയായിരിക്കും വില. 

Loading...
COMMENTS