ചരിത്രത്തിലാദ്യമായി ഒരു കാറു പോലും വിൽക്കാതെ മാരുതി

12:27 PM
01/05/2020
MARUTHI-SUZKI

ന്യൂഡൽഹി:​ പ്രതിമാസ വിൽപന കണക്കിൽ ചരിത്രത്തിലാദ്യമായി ഒരു കാർ പോലും വിൽക്കാ​െത മാരുതി സുസുക്കി. ലോക്​ഡൗൺ മൂലം ഏപ്രിൽ മാസത്തിലാണ്​ മാരുതി കാറുകളൊന്നും വിൽപന നടത്താതിരുന്നത്​. എല്ലാ നിർമ്മാണ ശാലകളും അടച്ചതിനാൽ പുതിയ കാറുകളുടെ നിർമ്മാണവും കമ്പനി നടത്തിയില്ല.

അതേസമയം, ഗുജറാത്തിലെ മുണ്ഡ്ര തുറമുഖത്തിൽ നിന്ന്​ 632 കാറുകൾ മാരുതി കയറ്റുമതി ചെയ്​തിട്ടുണ്ട്​. ഹരിയാനയിലെ മനേസർ പ്ലാൻറി​ൽ കാർ നിർമ്മാണം ഭാഗികമായി പുനഃരാരംഭിക്കുകയും ചെയ്​തു​. ജില്ലാ ഭരണകൂടത്തിൽ നിന്ന്​ അനുമതി ലഭിച്ചതിനെ തുടർന്നാണ്​ നടപടി. ഗ്രാമീണ മേഖലയിലെ നിർമ്മാണ ശാലകൾക്ക്​​ ആഭ്യന്തര മന്ത്രാലയം അനുമതി നൽകിയതോടെയാണ്​ പ്ലാൻറ്​ തുറന്നത്​. 

മാർച്ച്​ 22ന്​ ജനതാ കർഫ്യൂവിനെ തുടർന്നാണ്​ മാരുതി കാർ നിർമ്മാണ ശാലകൾ അടച്ചത്​. മാർച്ചിൽ മാരുതിയുടെ വിൽപനയിൽ 47 ശതമാനത്തി​​െൻറ ഇടിവാണ്​ രേഖപ്പെടുത്തിയത്​.

Loading...
COMMENTS