ബി.എസ്​6 ഹോണ്ട സിറ്റി ബുക്കിങ്​ തുടങ്ങി; ഈ മാസം പുറത്തിറങ്ങിയേക്കും

09:36 AM
07/11/2019
Honda-City-BS6

ബി.എസ്​6 എഞ്ചിനുമായെത്തുന്ന പുതിയ സിറ്റിയുടെ പെട്രോൾ വേരിയൻറിൻെറ ബുക്കിങ്​ ഹോണ്ട ആരംഭിച്ചു. ഡിസംബർ ആദ്യ വാരത്തോടെ വാഹനം ഉപഭോക്താക്കളിൽ എത്തുമെന്നാണ്​ അനൗദ്യോഗിക വിവരം. വാഹനം വിപണിയിലെത്തുന്നതു​ം വിലവിവരവും സംബന്ധിച്ച് ഔദ്യോഗിക ​​പ്രഖ്യാപനം​ അടുത്ത ആഴ്​ചയോടെ വന്നേക്കും. 1.5 ലിറ്റർ ഫോർ സിലിണ്ടർ പെട്രോൾ എഞ്ചിൻെറ കരു​​ത്തോടെയാണ്​ ഹോണ്ട സിറ്റി പുറത്തിറങ്ങുന്നത്​. കമ്പനി നേരത്തേ പുറത്തിറക്കിയ ബി.എസ്​ 4 പോലെ തന്നെ 119 എച്ച്​.പി എഞ്ചിനാണ്​ ബി.എസ്​6 ഹോണ്ട സിറ്റിയിലുമുള്ളത്​. വാഹനത്തെ കുറിച്ചുള്ള കൂടുതൽ വിവരങ്ങൾ കമ്പനി പുറത്തു വിട്ടിട്ടില്ല. 

ബി.എസ്​4 വകഭേദത്തേക്കാൾ ഏകദേശം 35000 മുതൽ 40000 വരെ വിലയിൽ വർധനവ്​ ഉണ്ടായേക്കാമെന്നാണ്​ പ്രതീക്ഷിക്കുന്നത്​. ബി.എസ്​4 വേർഷന്​ സമാനമാണ്​ ബി.എസ്​6 ഹോണ്ട സിറ്റിയുടെ​ പെട്രോൾ ലൈൻ അപ്പ്​.  എസ്​.വി, വി, വി.എക്​സ്​, ഇസഡ്​.എക്​സ്​ വേരിയൻറുകളിലാണ് ബി.എസ്​6 ഹോണ്ട സിറ്റി പുറത്തിറങ്ങുന്നത്​. 

ബേസ്​ മോഡലായ എസ്​.വിയിൽ ഡ്യുവൽ എയർബാഗുകൾ, എ.ബി.എസ്​, റിയർ പാർക്കിങ്​ സെൻസറുകൾ, എൽ.ഇ.ഡി ഡി.ആർ.എൽ, 15 ഇഞ്ച്​ അലോയ്​ വീലുകൾ, റിമോർട്ട്​ ലോക്കിങ്​, പവർ വിങ്​ മി​ററുകളും വിൻഡോകളും, ഓ​ട്ടോമാറ്റിക്​ എയർകണ്ടീഷനർ, ബ്ലൂ ടൂത്ത്​​ ഓഡിയോ സിസ്​റ്റം, ക്രൂയിസ്​ കൺട്രോൾ എന്നിവയാണ്​ ഫീച്ചറുകൾ. മിഡ്​ സ്​പെക്​ സിറ്റി വി വേരിയൻറിൽ ഇതിനു പുറമെ 7.0 ഇഞ്ച്​ ടച്ച്​ സ്​ക്രീൻ, കീലെസ്​ എൻട്രി, റിയർ കാമറ എന്നിവയുടെ അധിക സേവനമുണ്ടാകു​ം. 

വി.എക്​സ്​ വേരിയൻറിൽ സൺറൂഫ്​, ക്രമീകരിക്കാവുന്ന​ സ്​റ്റിയറിങ്​​, ഓ​ട്ടോ ഡിമ്മിങ്​ റിയർ വ്യൂ മിറർ, വലിയ 16 ഇഞ്ച്​ അലോയ്​ വീലുകൾ എന്നിവയുടേയും ഇസഡ്​.എക്​സ്​ വേരിയൻറിൽ സൈഡ്​ ആൻഡ്​ കർട്ടൻ എയർ ബാഗുകൾ, എൽ.ഇ.ഡി ഹെഡ്​ലാമ്പുകൾ, ഓ​േട്ടാ ​െഹഡ്​ലൈറ്റ്​, ​ഓ​ട്ടോ വൈപ്പർ എന്നിവയുടേയും അധിക പിന്തുണയുണ്ടാകും. 

ഡിസൈനിങ്ങിൽ അടുമുടി മാറ്റത്തോടു കൂടിയുള്ള പുതിയ ഹോണ്ട സിറ്റി ഈ മാസം തായ്​ലൻഡിൽ പുറത്തിറക്കും. ഈ മോഡൽ ഇന്ത്യയിലെത്താൻ 2020 പകുതി വരെ കാത്തിരിക്കേണ്ടി വര​ും. ബി.എസ്​6 സിറ്റി ഡീസൽ 2020 ഏപ്രിലോടെ യാഥാർഥ്യമായേക്കും.
 

Loading...
COMMENTS